టాకీ పార్ట్ను పూర్తి చేసుకున్న నరేష్ అగస్త్య 'దిల్వాలా'
cinema | Suryaa Desk | Published : Mon, Mar 06, 2023, 04:51 PM
మత్తు వదలారా, సేనాపతి సినిమాలతో మంచి గుర్తింపు తెచ్చుకున్న టాలీవుడ్ యంగ్ అండ్ టాలెంటెడ్ హీరో నరేష్ అగస్త్య మరో కొత్త సినిమాతో ప్రేక్షకులను అలరించడానికి రాబోతున్నాడు. నరేష్ అగస్త్య ప్రస్తుతం పలు ప్రాజెక్టులతో బిజీగా ఉన్నారు. దర్శకుడు వీరభద్రం చౌదరి ఈ ప్రాజెక్టుకు దర్శకత్వం వహించనున్నారు. ఈ సినిమాకి మూవీ మేకర్స్ 'దిల్ వాలా' అనే టైటిల్ ని లాక్ చేసారు.
తాజాగా మూవీ మేకర్స్ వైజాగ్లో 20 రోజుల షెడ్యూల్తో దిల్వాలా టాకీ పార్ట్ పూర్తయిందని సోషల్ మీడియా ప్రొఫైల్స్ ద్వారా వెల్లడించారు. రెండు పాటల చిత్రీకరణ మిగిలి ఉన్నడగా, బ్యాంకాక్లో ఈ పాటలని చిత్రీకరించడానికి మూవీ మేకర్స్ ప్లాన్ చేస్తున్నట్లు సమాచారం.
క్రైమ్ కామెడీ ట్రాక్ లో రానున్న ఈ సినిమాలో నరేష్ అగస్త్య సరసన జోడిగా శ్వేత అవస్తి నటిస్తుంది. ఈ చిత్రంలో రాజేంద్రప్రసాద్, అలీ రెజా, దేవ్ గిల్, అలీ పోసాని, బ్రహ్మాజీ, రఘుబాబు, సుదర్శన్, భద్రమ్, కాశీ విశ్వనాథ్, గెటప్ శ్రీను తదితరులు కీలక పాత్రలు పోషిస్తున్నారు.
ఈ చిత్రానికి అనూప్ రూబెన్స్ సంగీత అందిస్తున్నారు. జయ దుర్గాదేవి మల్టీమీడియా మరియు డెక్కన్ డ్రీమ్ వర్క్స్ బ్యానర్లపై ఈ సినిమాని నిర్మిస్తున్నారు.
|
|