ట్రెండింగ్
శాకుంతలం : పెద్దమ్మతల్లి గుడిలో సమంత పూజలు ..!!
cinema | Suryaa Desk | Published : Wed, Mar 15, 2023, 12:37 PM
క్రియేటివ్ డైరెక్టర్ గుణశేఖర్, క్రేజీ హీరోయిన్ సమంత కలయికలో "శాకుంతలం" అనే మైథలాజికల్ ఎపిక్ లవ్ స్టోరీ రూపొందుతున్న విషయం తెలిసిందే కదా. షూటింగ్ ఎప్పుడో ముగించుకున్న ఈ చిత్రం పోస్ట్ ప్రొడక్షన్ పనులను ముగించుకుని, ప్రేక్షకుల ముందుకు వచ్చేందుకు చాలా సమయం తీసుకుంటుంది. ఎట్టకేలకు ఏప్రిల్ 14న పాన్ ఇండియా భాషల్లో ఈ సినిమా విడుదల కాబోతుంది.
మరి, విడుదల తేదీ దగ్గర పడుతున్న నేపథ్యంలో చిత్రబృందం ముమ్మర ప్రచార కార్యక్రమాలను ప్రారంభించే ముందు హైదరాబాద్ పెద్దమ్మ తల్లిని దర్శించుకుని, ఆ మాత ఆశీస్సులను తీసుకున్నట్టుగా తెలుస్తుంది. ఈ రోజు ఉదయం సమంత, దేవ్ మోహన్, గుణశేఖర్, నీలిమ గుణ పెద్దమ్మ తల్లి ఆలయంలో కనిపించారు. ఇందుకు సంబంధించిన పిక్స్ సోషల్ మీడియాలో ఫుల్ వైరల్ అవుతున్నాయి.
|
|