అధికారికంగా లాంచైన మోస్ట్ ఎవైటెడ్ "ఎన్టీఆర్ 30"
cinema | Suryaa Desk | Published : Thu, Mar 23, 2023, 11:04 AM
మోస్ట్ ఎవైటెడ్ పాన్ ఇండియా మూవీ "ఎన్టీఆర్ 30" ఈ రోజు ఉదయం హైదరాబాద్ లో అధికారిక పూజా కార్యక్రమాలతో లాంచ్ అయ్యింది. ఈ రోజు కోసం తారక్ అభిమానులు కళ్ళు కాయలు కాచేలా ఎదురుచూశారంటే అతిశయోక్తి కాదు. ఇక, పూజా కార్యక్రమం ముగిసింది కాబట్టి, ఈ ఎదురుచూపులు కాస్తా రెగ్యులర్ షూటింగ్ వైపుకు మళ్ళాయి.
ఈ రోజు జరిగిన పూజా కార్యక్రమానికి పలువురు సినీ ప్రముఖులు హాజరయ్యారు. గ్లోబల్ సెన్సేషనల్ డైరెక్టర్ రాజమౌళి, పాన్ ఇండియా సెన్సేషన్ ప్రశాంత్ నీల్, ప్రముఖ నిర్మాతలు దిల్ రాజు, నాగవంశీ తదితర ప్రముఖులు హాజరయ్యారు. రాజమౌళి ఫస్ట్ క్లాప్ నివ్వగా, ప్రశాంత్ నీల్ కెమెరా స్విచ్ ఆన్ చేసారు.
కొరటాల శివ దర్శకత్వంలో జూనియర్ ఎన్టీఆర్, జాన్వీ కపూర్ జంటగా నటిస్తున్న ఈ సినిమాలో ప్రకాష్ రాజ్, శ్రీకాంత్ కీరోల్స్ లో నటిస్తున్నారు. అనిరుద్ రవిచందర్ సంగీతం అందిస్తున్నారు. ఎన్టీఆర్ ఆర్ట్స్, యువసుధ ఆర్ట్స్ బ్యానర్స్ నిర్మిస్తున్నాయి.
|
|