'ఏజెంట్' నుండి అఖిల్ స్పెషల్ పోస్టర్ అవుట్
cinema | Suryaa Desk | Published : Fri, Apr 07, 2023, 07:16 PM
సురేందర్ రెడ్డి డైరెక్షన్ లో టాలీవుడ్ యంగ్ హీరో అఖిల్ అక్కినేని 'ఏజెంట్' సినిమాలో నటిస్తున్న సంగతి అందరికి తెలిసిందే. అఖిల్ కెరీర్ లోనే అత్యంత భారీ బడ్జెట్ తో ఏజెంట్ సినిమా రూపొందుతోంది. ఈ హై బడ్జెట్ యాక్షన్ థ్రిల్లర్ మూవీలో మలయాళ మెగాస్టార్ మమ్ముట్టి కీలక పాత్రలో కనిపించనున్నారు. స్పై థ్రిల్లర్ ట్రాక్ లో వస్తున్న ఈ సినిమాలో అఖిల్ సరసన సాక్షి వైద్య నటిస్తుంది.
తాజాగా రేపు అక్కినేని అఖిల్ పుట్టినరోజు సందర్భంగా మూవీ మేకర్స్ ఈ స్పై థ్రిల్లర్ ఏజెంట్ నుండి స్పెషల్ పోస్టర్‌ను ఆవిష్కరించారు. పోస్టర్‌లో అఖిల్ స్టైలిష్ మరియు మాకో అవతార్‌లో కనిపిస్తున్నాడు. అందరూ ఎంతో ఆసక్తిగా ఎదురుచూస్తున్న ఈ క్రేజీ పాన్ ఇండియా ప్రాజెక్ట్ ఏప్రిల్ 28, 2023న విడుదలకు సిద్ధంగా ఉంది.
ఎకె ఎంటర్‌టైన్‌మెంట్స్, సురేందర్ 2 సినిమా పతాకాలపై రామబ్రహ్మం సుంకర ఈ సినిమాని నిర్మిస్తున్నారు. సెన్సేషనల్ మ్యూజిక్ కంపోజర్ హిప్ హాప్ తమిజా సంగీతం అందిస్తున్నారు.
|
|