OTTలో సెన్సేషన్ సృష్టిస్తున్న వెట్రిమారన్ 'విడుతలై'
cinema | Suryaa Desk | Published : Wed, May 03, 2023, 07:22 PM
సంచలనాత్మక తమిళ దర్శకుడు వెట్రిమారన్ దర్శకత్వంలో సూరి కథానాయకుడిగా నటించిన 'విడుతలై' పార్ట్ 1 సినిమా ప్రేక్షకులను విశేషంగా ఆకట్టుకుంది. ఈ చిత్రం తెలుగులో కూడా విడుదల పార్ట్ 1గా విడుదలైంది. ఈ సినిమా యొక్క డిజిటల్ స్ట్రీమింగ్ రైట్స్ ని ZEE5 సొంతం చేసుకున్న సంగతి అందరికి తెలిసిందే. తాజాగా ఇప్పుడు ఈ చిత్రం ZEE5లో ప్రీమియర్‌గా అందుబటులో ఉంది. తాజా అప్డేట్ ప్రకారం, ఈ చిత్రం ZEE5 ఇండియా మూవీస్ విభాగంలో అగ్రస్థానంలో ఉన్నట్లు సమాచారం.
ఈ సినిమాలో విజయ్ సేతుపతి అతిధి పాత్రలో కనిపించారు. ఈ సినిమాలో చేతన్, గౌతం వాసుదేవ్ మీనన్, ఇళవరసు, బాలాజీ శక్తివేల్, తమిస్ మరియు ఇతరులు కీలక పాత్రలు పోషిస్తున్నారు. ఈ కాప్ డ్రామాలో భవాని శ్రీ మహిళా ప్రధాన పాత్ర పోషించింది. ఈ చిత్రానికి ఇళయరాజా సంగీత అందించారు. RS ఇన్ఫోటైన్‌మెంట్ మరియు గ్రాస్ రూట్ ఫిల్మ్ కంపెనీ బ్యానర్‌లపై ఎల్రెడ్ కుమార్ ఈ సినిమాని నిర్మించారు.
|
|