మహేష్ కు ఫోన్ లో ప్రపోజ్ చేశా : నమ్రత శిరోద్కర్
cinema | Suryaa Desk | Published : Mon, Feb 11, 2019, 02:09 PM
టాలీవుడ్ సూపర్ స్టార్ మహేష్ బాబు, నమ్రత శిరోద్కర్ ల వివాహం జరిగి నేటికి 14 ఏళ్లు పూర్తయ్యాయి. ఈ సందర్భంగా నమ్రత తన ప్రేమ విషయాన్ని వెల్లడించింది. ‘‘వంశీ’ సినిమా షూటింగ్ కోసం మేమంతా న్యూజిలాండ్ వెళ్లాం. అక్కడ దాదాపు 25 రోజుల పాటు షూటింగ్ జరిగింది. నేను అప్పటివరకూ అన్నిరోజుల పాటు ఔట్ డోర్ షూటింగ్ లో పాల్గొనలేదు. మహేష్ బాబు చాలా సిగ్గరి కదా! ఆయన ఇతరులతో ఎక్కువ మాట్లాడేవారు కాదు. కానీ నాతో బాగా మాట్లాడేవారు. అప్పటికే మా మధ్య స్నేహం కుదిరింది. న్యూజిలాండ్ నుంచి వచ్చాక ప్రేమలో ఉన్నామని ఇద్దరికీ అర్థమయింది. మహేష్ కు మొదటగా ఫోన్ లో నేనే ప్రపోజ్ చేశా. ఎదురెదురుగా లేము కాబట్టి ఆయన రియాక్షన్స్ చూడలేకపోయా. అప్పటికే తను నాతో ప్రేమలో ఉన్నారు. సో.. దాదాపు మూడేళ్ల తర్వాత పెళ్లి చేసుకున్నాం’’ అని నమత్ర చెప్పింది. 2005, ఫిబ్రవరి 10న మహేశ్-నమ్రత ముంబైలో వివాహం చేసుకున్నారు. వారికి గౌతమ్, సితారాలు సంతానం..
|
|