జంతు బలులు, రక్తాభిషేకాలు చంద్రబాబుకి చేసినప్పుడు ఏమయ్యారు?
Andhra Pradesh Telugu | Suryaa Desk | Published : Mon, Dec 29, 2025, 08:12 AM
జంతు బలులు, రక్తాభిషేకాలు చేసే వారిని రాష్ట్రం నుంచి బహిష్కరించాలని హోం మంత్రి అనిత స్టేట్మెంట్లు ఇస్తున్నారని, ఈ రక్తాభిషేకం సంస్కృతికి తెర లేపింది ఎవరని వైయస్ఆర్సీపీ సీనియర్ నాయకురాలు, మాజీ హోం మంత్రి తానేటి వనిత సూటిగా ప్రశ్నించారు. అధికార పార్టీ నేతలు చేసిన జంతు బలులు, రక్తాభిషేకాలు ముఖ్యమంత్రి చంద్రబాబు, హోం మంత్రి అనితకు కనిపించలేదా? అంటూ ఆగ్రహం వ్యక్తం చేశారు. బాలకృష్ణ సినిమా విడుదల సందర్భంగా 20 పొట్టేళ్ల తలలతో దండ కట్టినప్పుడు ఎక్కడికి పోయాయి మీ చట్టాలు? అప్పుడు న్యాయం..ఇప్పుడు అన్యాయమా అంటూ ప్రభుత్వాన్ని నిలదీశారు. ఈ నెల 21న మా పార్టీ అధినేత శ్రీ వైయస్ జగన్ మోహన్ రెడ్డి గారి పుట్టిన రోజు వేడుకలు రాష్ట్రవ్యాప్తంగా అంబరాన్ని అంటేలా ప్రజలు సంబరాలు చేసుకున్నారని, వాటిని చూసి కూటమి ప్రభుత్వ గుండెల్లో గుబులు మొదలైందని తానేటి వనిత పేర్కొన్నారు. ఆ గుబులును కవర్ చేసుకోవడానికి డైవర్షన్ పాలిటిక్స్కు తెర లేపారని మండిపడ్డారు. ఫ్లెక్సీల్లో వివాదస్పద వ్యాఖ్యలంటూ, పొట్టేలు తల నరికారని లేనిపోని ఆరోపణలతో వైయస్ఆర్సీపీ శ్రేణులపై అక్రమ కేసులు నమోదు చేస్తున్నారని తప్పుపట్టారు.
|
|