బన్నీ పోస్ట్ వైరల్
cinema | Suryaa Desk | Published : Mon, Jun 05, 2023, 03:52 PM
ఐకాన్ స్టార్ అల్లు అర్జున్ తాజాగా ప్రపంచ పర్యావరణ దినోత్సవం సందర్భంగా మొక్కకు నీరు పోశారు. ఆ ఫొటోను షేర్ చేసి అందరికీ స్ఫూర్తిగా నిలిచారు. ఐకాన్ స్టార్ అల్లు అర్జున్ నటుడిగా ఎంత ఎదుగుతున్నాడో వ్యక్తిత్వం పరంగానూ బన్నీ అందనంత ఎత్తుకు ఎదుగుతున్నారు. ప్రతి విషయంలో తనదైన శైలిని కనబరుస్తూ ఆకట్టుకుంటున్నారు. తెలుగు పండుగలు, సంస్కృతిని ఎంతలా గౌరవిస్తారో తెలిసిందే. అంతేకాదు తన పిల్లలకు కూడా నేర్పిస్తూ అందరి ప్రశంసలు అందుకుంటున్నారు. సినిమాల పరంగా ఎంత బిజీగా ఉన్నప్పటికీ కొన్ని ప్రత్యేకమైన రోజుల్లో మాత్రం బన్నీ స్ఫూర్తిగా నిలుస్తున్నారు.
ఇక ఈరోజు ప్రపంచ పర్యావరణ దినోత్సవం సందర్భంగా తమ ఇంట్లో ఓ మొక్కను నాటి నీరు పోశారు. ఇదే విషయాన్ని ట్వీటర్ వేదికన పంచుకున్నారు. ‘హ్యాపీ ఎన్విరాన్ మెంట్ డే.. మనమందరం మన వంతుగా పర్యావరణాన్ని కాపాడుకుందాం‘ అని పేర్కొన్నారు. ప్రస్తుతం బన్నీ పోస్ట్ నెట్టింట వైరల్ గా మారింది. నేచర్ పట్ల బన్నీ చూపిస్తున్న శ్రద్ధకు ఫ్యాన్స్ తో పాటు నెటిజన్లు ఫిదా అవుతున్నారు. ఈ విషయంలో అల్లు అర్జున్ స్ఫూర్తిగా నిలుస్తున్నారంటూ ప్రశంసిస్తున్నారు.
|
|
