ట్రెండింగ్
‘ఆదిపురుష్’ మూవీ నిర్మాత కీలక ప్రకటన...వారికీ మూవీ టిక్కెట్ల ఉచితం
cinema | Suryaa Desk | Published : Wed, Jun 07, 2023, 10:23 PM
పాన్ ఇండియా స్టార్ ప్రభాస్ రాముడి పాత్రలో నటించిన సినిమా ‘ఆదిపురుష్’. ఈ సినిమాలో కృతి సనన్ సీత పాత్రలో నటించింది. ఈ సినిమాకి ఓం రౌత్ దర్శకత్వం వహించారు. ఈ సినిమాలో రావణుడి పాత్రలో బాలీవుడ్ హీరో సైఫ్ అలీ ఖాన్ నటించారు. ఈ సినిమా జూన్ 16న థియేటర్లో విడుదల కానుంది.
ప్రముఖ నిర్మాణ సంస్థ అభిషేక్ అగర్వాల్ ఆర్ట్స్‌కు చెందిన అభిషేక్ అగర్వాల్ 10 వేల మందికి పైగా ఆదిపురుష్ సినిమా టిక్కెట్లను ఉచితంగా ఇవ్వనున్నట్లు ప్రకటించారు. తెలంగాణ వ్యాప్తంగా అన్ని ప్రభుత్వ పాఠశాలలు, అనాథ శరణాలయాలు, వృద్ధాశ్రమాలకు ఉచితంగా టిక్కెట్లు ఇస్తామని చెప్పారు.ఈ అవకాశాన్ని సద్వినియోగం చేసుకోవాలనుకునే వారు 'సెలబ్రేటింగ్ ఆదిపురుష్' గూగుల్ ఫారమ్‌ను పూర్తి చేయాలి. వివరాలు నమోదు చేసిన వారికి టిక్కెట్లు పంపబడతాయి. మరిన్ని వివరాలకు 95050 34567కు కాల్ చేయాలని సూచించారు..
|
|