ఎన్టీఆర్ 'దేవర' షూటింగ్ పూర్తి అయ్యేది అప్పుడేనా?
cinema | Suryaa Desk | Published : Thu, Jun 15, 2023, 08:52 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. ప్రస్తుతం శంషాబాద్‌లో భారీ సెట్‌ వేసి షూటింగ్ జరుపుకుంటున్న ఈ షెడ్యూల్‌ జూన్‌ 20తో ముగుస్తుంది అని సమాచారం. నవంబర్‌ నెలాఖరులోగా కొరటాల శివ, ఎన్టీఆర్ తమ చిత్రీకరణను పూర్తి చేసేందుకు ప్లాన్ చేస్తున్నట్టు లేటెస్ట్ టాక్. అప్పటికి టాకీ పార్ట్ కంప్లీట్ చేసి పోస్ట్ ప్రొడక్షన్ కి వెళ్లనుంది.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|