నెటిజన్స్ ట్రోల్స్ పై తమన్ కౌంటర్ !
cinema | Suryaa Desk | Published : Tue, Jun 20, 2023, 12:26 PM
"అలా వైకుంఠపురంలో" సినిమా పాటలతో అంతర్జాతీయ స్థాయిలో అలరించిన సౌత్ సినీ ఇండస్ట్రీలో టాప్ మ్యూజిక్ డైరెక్టర్ ఎస్ఎస్ తమన్. వీరి పాటలకు ఇంటర్నేషనల్ ఆడియన్స్ సైతం ఉర్రూతలూగారుతన క్లాస్ అండ్ మాస్ మ్యూజిక్ తో కట్టి పడేస్తూ, ఒకటి రెండు కాదు ఏడాది పొడుగునా ఏదో ఒక సినిమా తో తన సంగీతం తో అలరిస్తుంటాడు. అయితే ఆయన పై కాపీ ముద్ర మాత్రం చెదరడం లేదు. చాలా సార్లు తను ఇచ్చిన ట్యూన్స్ ని కాపీ కొట్టడం... లేదా తమిళ సినిమాల్లోని పాటలను కాపీ చేస్తాడనే ఆరోపణలు తమన్ పై ఉన్నాయి. ప్రస్తుతం తమన్ మహేష్ బాబు 'గుంటూరు కారం' సినిమా లో మ్యూజిక్ డైరెక్టర్ ఆ సినిమా టైటిల్ సాంగ్ ఫస్ట్ గ్లింప్స్ వీడియోకి తమన్ ఇచ్చిన బీజీఎం కాపీ అని నెటిజన్స్ ట్రోల్స్ చేశారు. అంతే కాకుండా ఈ సినిమా నుంచి తమన్ ను తప్పించరాని కూడా వార్తలు వస్తున్నాయి. సోషల్ మీడియాలో జరుగుతున్న ప్రచారం పై తమన్ కౌంటర్ ఇచ్చారు. తన సోషల్ మీడియా ఖాతా నుంచి ఓ పోస్ట్ పెట్టారు. అందులో 'నా స్టూడియో దగ్గర మజ్జిగ స్టాల్ ను ప్రారంభిస్తున్నాను. కడుపు మంట లక్షణాలు ఉన్నవారందరికీ ఫ్రీగా అందిస్తాను. అప్పుడైనా కోలుకుంటారు. దయచేసి నా టైంను వృథా చేయొద్దు. నాకు చాలా పని ఉంది' అంటూ రాసుకొచ్చాడు తమన్.
|
|