ఆకట్టుకుంటున్న 'భాగ్ సాలే' టీజర్
cinema | Suryaa Desk | Published : Wed, Jun 21, 2023, 03:43 PM
శ్రీ సింహ కోడూరి తన వినూత్న స్క్రిప్ట్ ఎంపికతో చిత్ర పరిశ్రమలో మంచి గుర్తింపు పొందారు. ప్రణీత్ బ్రమండపల్లి దర్శకత్వంలో శ్రీ సింహ తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి 'భాగ్ సాలే' అనే టైటిల్ ని లాక్ చేసారు. ఈ చిత్రం జూలై 7న థియేటర్లలో గ్రాండ్ గా విడుదలకు సిద్ధంగా ఉంది. తాజాగా మూవీ మేకర్స్ ఈ చిత్రం యొక్క టీజర్ ఈ ఉదయం విడుదల చేసారు. సిద్ధు జొన్నలగడ్డ కథను చెప్పే శైలి టీజర్‌ను మరింత ఆసక్తికరంగా మార్చింది.
ఈ చిత్రంలో నేహా సోలంకి కథానాయికగా నటిస్తుంది. క్రైమ్ కామెడీ ట్రాక్ లో రానున్న ఈ చిత్రంలో రాజీవ్ కనకాల, వైవా హర్ష, సత్య, సుదర్శన్, వర్షిణి తదితరులు కీలక పాత్రలు పోషించారు. ఈ చిత్రానికి కాల భైరవ సంగీతం అందించారు. బిగ్ బెన్ మరియు సినీ వ్యాలీ మూవీస్‌తో కలిసి వేదాంష్ క్రియేటివ్ వర్క్స్ బ్యానర్‌పై అర్జున్ దాస్యన్, యష్ రంగినేని మరియు కళ్యాణ్ సింగనమల భాగ్ సాలేను నిర్మిస్తున్నారు.
|
|
