'కింగ్ ఆఫ్ కోతా' మోషన్ పోస్టర్ అవుట్
cinema | Suryaa Desk | Published : Sat, Jun 24, 2023, 02:16 PM
అభిలాష్ జోషి దర్శకత్వంలో మాలీవుడ్ యంగ్ అండ్ టాలెంటెడ్ హీరో దుల్కర్ సల్మాన్ ఒక గ్యాంగ్‌స్టర్ డ్రామాని ప్రకటించిన సంగతి అందరికి తెలిసందే. ఈ సినిమాకి 'కింగ్ ఆఫ్ కోత' అనే టైటిల్ ని మూవీ మేకర్స్ లాక్ చేశారు. ఈ గ్యాంగ్‌స్టర్ చిత్రాన్ని ఓనం సందర్భంగా థియేటర్లలో విడుదల చేసేందుకు మూవీ మేకర్స్ సన్నాహాలు చేస్తున్నారు.
తాజాగా ఇప్పుడు 'కింగ్ ఆఫ్ కొత' సినిమా టీమ్ క్యారెక్టర్ ఇంట్రడక్షన్ వీడియోని "పీపుల్ ఆఫ్ కోతా మోషన్ పోస్టర్" అని టైటిల్ తో విడుదల చేసారు. ఈ వీడియో అభిమానుల్లో ఉత్కంఠను రేకెత్తించింది. చమత్కారమైన స్కెచ్ ఫార్మాట్ ద్వారా ఈ మోషన్ పోస్టర్‌లో పాత్రలను పరిచయం చేశారు.
ఈ పాన్-ఇండియన్ మూవీలో ఐశ్వర్య లక్ష్మి కథానాయికగా నటిస్తుంది. ఈ చిత్రంలో షబీర్ కల్లరక్కల్, గోకుల్ సురేష్ ఇతర కీలక పాత్రల్లో నటిస్తున్నారు. అభిలాష్ ఎన్.చంద్రన్ ఈ సినిమాకి కథను అందించారు. జీ స్టూడియోస్ మరియు వేఫేరర్ ఫిల్మ్స్ ఈ సినిమాని నిర్మిస్తున్నాయి. జేక్స్ బిజోయ్ మరియు షాన్ రెహమాన్ సంయుక్తంగా సంగీతం అందించగా, నిమిష్ రవి సినిమాటోగ్రఫీని నిర్వహిస్తున్నారు.
|
|