తెలుగు బ్లాక్‌బస్టర్ తరహాలో సూర్య 'కంగువ'
cinema | Suryaa Desk | Published : Mon, Jun 26, 2023, 08:56 PM
కోలీవుడ్ స్టార్ హీరో సూర్య తన తదుపరి సినిమాని దర్శకుడు సిరుత్తై శివతో అధికారకంగా ప్రకటించిన సంగతి అందరికి తెలిసిందే. ఈ పీరియాడికల్ యాక్షన్ డ్రామాకు 'కంగువ' అనే టైటిల్‌ని మూవీ మేకర్స్ లాక్ చేసారు. తాజాగా ఈ ప్రాజెక్ట్‌ నిర్మాత ధనంజయన్ ఇటీవల ఒక ఇంటర్వ్యూలో కొన్ని వివరాలను వెల్లడించారు. కంగువ స్టోరీలైన్ ఏమిటని అడిగినప్పుడు ధనంజయ్ మాట్లాడుతూ...... మనలో చాలా మంది మగధీరను చూసి ఉంటారు. గతానికి వర్తమాన జీవితానికి సంబంధం ఉంటే ఎలా ఉంటుందనేది కంగువ కథాంశం. ఆ అనుబంధం ఏమిటో సినిమా చూశాక మీకే తెలుస్తుంది. మగధీరలో మరిన్ని వివరాలు ఉన్నాయి కానీ కంగువ చాలా సింపుల్‌గా ఉంటుంది అని వెల్లడించారు.
ఈ సినిమాలో బాలీవుడ్ బ్యూటీ క్వీన్ దిశా పటానీ సూర్య సరసన జోడిగా నటిస్తుంది. ఈ చిత్రం 2024 ప్రారంభంలో ప్రపంచవ్యాప్తంగా థియేటర్లలో విడుదల కానుంది. ఈ మాస్‌ ఎంటర్‌టైనర్‌కి దేవిశ్రీ ప్రసాద్‌ సంగీతం అందించనున్నారు. స్టూడియో గ్రీన్, యువి క్రియేషన్స్ బ్యానర్లపై వంశీకృష్ణ, ప్రమోద్, కెఇ జ్ఞానవేల్రాజా ఈ చిత్రాన్ని నిర్మిస్తున్నారు.
|
|