100 మిలియన్ వ్యూస్ ని క్రాస్ చేసిన 'ఖుషి' ఫస్ట్ సింగల్
cinema | Suryaa Desk | Published : Thu, Jul 27, 2023, 07:54 PM
టాలీవుడ్ యంగ్ అండ్ సేనాషనల్ హీరో విజయ్ దేవరకొండ శివ నిర్వాణ దర్శకత్వంలో ఒక సినిమాని ప్రకటించిన సంగతి అందరికి తెలిసిందే. ఈ రొమాంటిక్ లవ్ స్టోరీకి మూవీ మేకర్స్ 'ఖుషి' అనే టైటిల్ ని లాక్ చేసారు. సెప్టెంబర్ 1, 2023న తెలుగు, తమిళం, మలయాళం మరియు కన్నడ భాషల్లో ఈ సినిమా విడుదలకి సిద్ధంగా ఉంది.
ఈ సినిమా మ్యూజిక్ ప్రమోషన్లు ఇటీవలే ప్రారంభమయ్యాయి మరియు ఇప్పటివరకు విడుదలైన నా రోజా నువ్వే మరియు ఆరాధ్య అనే రెండు పాటలు సంగీత ప్రియులను ఆకట్టుకున్నాయి. అంతేకాకుండా ఈ మ్యాజికల్ మెలోడీస్ యూట్యూబ్‌లో సంచలనం సృష్టిస్తున్నాయి. తాజాగా ఈ చిత్రంలోని మొదటి పాట నా రోజా నువ్వే యూట్యూబ్‌లో 100 మిలియన్ వ్యూస్‌ని క్రాస్ చేసినట్లు మూవీ మేకర్స్ ప్రకటించారు.
ఈ సినిమాలో విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా కనిపించనుంది. ఫ్యామిలీ ఎంటర్‌టైనర్‌ ట్రాక్ లో రానున్న ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|