'కెప్టెన్ మిల్లర్' టీజర్ విడుదలకి టైమ్ లాక్
cinema | Suryaa Desk | Published : Thu, Jul 27, 2023, 08:02 PM
అరుణ్ మాథేశ్వరన్ దర్శకత్వంలో కోలీవుడ్ స్టార్ హీరో ధనుష్ 'కెప్టెన్ మిల్లర్' సినిమా చేస్తున్న సంగతి అందరికి తెలిసిందే. అందరూ ఎంతో ఆసక్తిగా ఎదురుచూస్తున్న ఈ సినిమా పై సాలిడ్ హైప్ ఉంది. యాక్షన్ డ్రామాగా తెరకెక్కుతున్న ఈ సినిమా ఫస్ట్ లుక్ పోస్టర్‌కి అదిరిపోయే రెస్పాన్స్ వచ్చింది. జులై 28న ఈ సినిమా టీజర్‌ను విడుదల చేయనున్నట్లు మూవీ మేకర్స్ ఇప్పటికే ప్రకటించారు. తాజాగా ఇప్పుడు జులై 28వ తేదీ ఉదయం 12:01 గంటలకు టీజర్ ని విడుదల చేస్తున్నట్లు మూవీ మేకర్స్ ధనుష్ యొక్క పోస్టర్‌ను విడుదల చేసి ప్రకటించారు.
ఈ యాక్షన్ థ్రిల్లర్ లో కన్నడ స్టార్ హీరో శివరాజ్‌కుమార్, ప్రియాంక అరుల్ మోహన్, తెలుగు హీరో సందీప్ కిషన్, నివేదిత సతీష్, ఎడ్వర్డ్ సోన్నెన్‌బ్లిక్ కీలక పాత్రల్లో నటిస్తున్నారు. ఈ చిత్రానికి జివి ప్రకాష్ సంగీత దర్శకుడు. ఈ చిత్రాన్ని జి. శరవణన్, సాయి సిద్ధార్థ్‌లు సంయుక్తంగా నిర్మిస్తున్నారు.
|
|