'హాయ్ నాన్నా' లో బాలీవుడ్ యువ నటుడి కీలక పాత్ర
cinema | Suryaa Desk | Published : Thu, Jul 27, 2023, 08:43 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని తన 30వ చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ చిత్రానికి 'హాయ్ నాన్నా' అనే టైటిల్‌ను మూవీ మేకర్స్ ఖరారు చేసారు. తాజాగా ఇప్పుడు ప్రముఖ హిందీ నటుడు అంగద్ బేడి ఈ ఫ్యామిలీ డ్రామాలో కీలక పాత్రను పోషిస్తున్నట్లు సమాచారం. హాయ్ నాన్నాలో అంగద్ నెగిటివ్ రోల్‌లో కనిపిస్తాడని వార్తలు వినిపిస్తున్నాయి.
సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది. ఈ చిత్రంలో పాప కియారా ఖన్నా కీలక పాత్రలో కనిపించనుంది. ఈ సినిమా డిసెంబర్ 21, 2023న ప్రేక్షకుల ముందుకు రానుంది. ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్‌టైన్‌మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|