ఎంతో ఇష్టంగా తింటే నన్ను గర్భవతి అన్నారు : రాయ్ లక్ష్మి

హాట్ బ్యూటీ రాయ్ లక్ష్మి ప్రధాన పాత్రలో నటిస్తోన్న చిత్రం ‘వేర్ ఈజ్ ది వెంకటలక్ష్మి’. ఈ చిత్రం ద్వారా కిషోర్ కుమార్ దర్శకుడిగా పరిచయమవుతున్నారు. కామెడీ ఎంటర్‌టైనర్‌గా తెరకెక్కుతోన్న ఈ చిత్రం టీజర్ ఇప్పటికే విడుదలై ప్రేక్షకులను ఆకట్టుకుంది. సంప్రదాయ చీరకట్టులోనే రాయ్ లక్ష్మి తన హాట్ హాట్ అందాలతో కనువిందు చేసింది. టీజర్‌లో రాయ్ లక్ష్మి అలా కనిపించి ఇలా వెళ్లిపోయినా తన హావభావాలు, కైపెక్కించే చూపులతో కట్టిపడేసింది. అయితే ట్రైలర్‌లో మాత్రం లక్ష్మి దుమ్మురేపనుందట. ఈసారి మరింత హాట్‌గా కనిపించి కుర్రకారును మరింత కైపెక్కించనుందట.

సినిమాల సంగతలా ఉంచితే.. రాయ్ లక్ష్మీ పేరు తరచుగా ఏదోో ఒక వివాదంలో వినిపిస్తుంటుంది. ఆమె ఎఫైర్ల గురించి ఎన్నిసార్లు రూమర్లు వచ్చాయో. భారత దిగ్గజ వికెట్ కీపర్ బ్యాట్స్‌మన్ ధోనీతో కూడా ఆమె పేరు ముడిపడింది. ఈ ఎఫైర్ గురించి రాయ్ లక్ష్మీనే తనకు తానుగా ఎక్కువ ప్రచారం చేసుకున్న సంగతి కూడా తెలిసిందే.

ఐతే కెరీర్లో ఎప్పుడూ ఎందుకు మీ గురించి రూమర్లు వస్తాయి, వివాదాలు చెలరేగుతాయి అని అడిగితే.. కొందరు అదే పనిగా తన గురించి దుష్ప్రచారం చేస్తున్నారని అంటోంది రాయ్ లక్ష్మీ. తనపై మీడియా, మిగతా జనాల ఫోకస్ ఎప్పుడూ ఎక్కువే అని ఆమె అంది. ఒక సినిమా సెట్లో పచ్చి మామిడికాయ కనిపించిందని.. రుచి చూస్తే చాలా బాగుందని.. దీంతో ఇష్టంగా ఆ మామిడికాయ తిన్నానని.. ఐతే మామిడి కాయ తింటున్నా కాబట్టి తాను గర్భవతిని అని ప్రచారం చేశారని రాయ్ లక్ష్మీ వాపోయింది.

తన కెరీర్లో లవ్, బ్రేకప్స్ ఒకటికి మించి ఉన్న మాట వాస్తవమన్న రాయ్ లక్ష్మీ.. తాను ఉన్నంత ఎమోషనల్‌గా తనతో రిలేషన్‌షిప్‌లో ఉన్న వాళ్లు లేకపోవడంతో అవి విఫలమయ్యాయని రాయ్ లక్ష్మీ చెప్పింది. తన జీవితంలో వివాదాలు భాగం అయిపోయాయని.. ఒక దశలో శ్రుతి మించి పోవడంతో కోర్టుకు కూడా వెళ్లాల్సి రావడం దురదృష్టకరమని రాయ్ లక్ష్మీ విచారం వ్యక్తం చేసింది.