ఫోటో స్టోరీ: రామ్ గోపాల్ వర్మ ఒక లఫూట్

అబ్బా!! ఫిటింగ్ పెట్టడంలో నిన్ను మించినోడు లేడయ్యా వర్మా.. కయ్యానికి కాలు దువ్వడం అంటే చెవికోసుకుంటాడు. అందులోనూ తన సినిమా విడుదల ముందుంది అంటే కయ్యాన్ని గోకి మరీ రా.. రమ్మని పిలుస్తాడు. ఎవరు ఏమనుకున్నా ఈయనకు అనవసరం.. తన సినిమాకి ప్రమోషన్ వచ్చిందా లేదా అన్నదే ఆయనకు ముఖ్యం. ఏ దర్శకుడైనా తన సినిమాను ప్రమోట్ చేసుకుంటూ సినిమాకి హైప్ తీసుకురావాలకుంటారు. అయితే వర్మది ప్రమోషన్స్‌లో డిఫరెంట్ స్టైల్. తన సినిమాకు పోటీగా ఉన్న మూవీపై రాళ్లు వేసేసి ఫ్రీ పబ్లిసిటీ కొట్టేయడం వర్మకి వోడ్కాతో పెట్టిన విద్య. శివ సినిమాతో మొదలైన ఈ స్ట్రాటజీ.. ఆయన లేటెస్ట్ మూవీ ‘లక్ష్మీస్ ఎన్టీఆర్’ వరకూ కొనసాగిస్తూనే ఉన్నారు.

దీన్ని అలా పక్కన పెడితే ఎప్పుడూ సినిమాల గురించి బయటి విషయాల గురించి ట్వీట్ చేసే వర్మ తాజాగా 90ల కాలంలోని ఓ ఫొటోని పోస్ట్ చేసి ఆసక్తికరమైన ట్వీట్ చేయడం ఆకట్టుకుంటోంది. ఎప్పుడూ వివాదాలతో సహవాసం చేసే వర్మ తనన నిజమైన లఫూట్ గా అభివర్ణించుకోవడం ఆసక్తికరంగా మారింది.

90వ దశకంలో టాలీవుడ్ కు టాప్ స్టార్స్ గా ఓ వెలుగు వెలిగిన హీరోలు చిరంజీవి - బాలకృష్ణ - నాగార్జున - వెంకటేష్ అయితే ఈ నలుగురు హీరోల్లో చిరంజీవి - వెంకటేష్ - నాగార్జునతో వర్మ చాలా జోవియల్ గా వుండేవారట. ఓ సందర్భంలో వారితో కలిసి వర్మ ఓ మందు పార్టీలో పాల్గొన్నారు. ఆ పార్టీలో వర్మ దిల్ కా ధడ్ కన్  శ్రీదేవి కూడా పాల్గొంది. ఈ చూడముచ్చటైన ఫ్రేమ్ ని తన కెమెరాలో బంధించాడో ఫొటోగ్రాఫర్. చిరంజీవి - వెంకటేష్  తమ చేతుల్లో వున్న మందు గ్లాస్ లని కనిపించకుండా దాచేస్తే వర్మ - నాగార్జున మాత్రం క్లియర్ గా కనిపించేలా పట్టుకున్నారు. `చివరి లెఫ్ట్  లో వున్న మహా లఫూట్ వెధవని నేనే. లెఫ్ట్ అండ్ రైట్ హాండ్స్ లో గ్లాసులు వున్నాయి. మధ్యలో వున్న వాళ్ల హ్యాండ్స్ లో వున్నవేవో దాస్తున్నారు. శ్రీదేవిగారి రెండు హ్యండ్సే ఫ్రీగా కనిపిస్తున్నాయి. ఎందుకంటే నిజాయితీ నాలోనూ - శ్రీదేవిలోనూ - నాగార్జున లో మాత్రమే వుంది కాబట్టి.. అంటూ ఆసక్తికరంగా వర్మ చేసిన ట్వీట్ వైరల్ గా మారింది.