'భోలా శంకర్' ప్రీ-రిలీజ్ ఈవెంట్ కి డేట్ అండ్ టైమ్ లాక్
cinema | Suryaa Desk | Published : Fri, Aug 04, 2023, 08:35 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి "భోళా శంకర్" సినిమాలో నటిస్తున్న సంగతి అందరికి తెలిసిన విషయమే. చిరంజీవి టైటిల్ రోల్‌లో నటించిన ఈ సినిమా ఆగస్ట్ 11, 2023న ప్రపంచవ్యాప్తంగా థియేటర్స్ లో విడుదల కానుంది. లేటెస్ట్ అప్డేట్ ప్రకారం, భోలా శంకర్ ప్రీ-రిలీజ్ ఈవెంట్ ఆగస్టు 6, 2023న హైదరాబాద్‌లోని శిల్పకళా వేదికలో సాయంత్రం 7 గంటల తర్వాత జరుగుతుంది అని మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి అధికారకంగా ప్రకటించారు.
ఈ యాక్షన్ ఎంటర్‌టైనర్‌లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. ఈ మెగా భారీ యాక్షన్ ఎంటర్‌టైనర్ లో రావు రమేష్, మురళీ శర్మ, తులసి, వెన్నెల కిషోర్, కీర్తి సురేష్, రఘుబాబు, రవిశంకర్, శ్రీ ముఖి, రష్మీ గౌతమ్, ఉత్తేజ్ తదితరులు కీలక పాత్రలు పోషిస్తున్నారు. ఈ చిత్రం తమిళంలో సూపర్ హిట్ మూవీ వేదాళం యొక్క అధికారిక తెలుగు రీమేక్. ఎకె ఎంటర్‌టైన్‌మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్నారు.
|
|