దేశవ్యాప్తంగా ఆల్ టైమ్ రికార్డ్ క్రియేట్ చేసిన 'పుష్ప 2'
cinema | Suryaa Desk | Published : Mon, Aug 14, 2023, 08:58 PM
సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ బ్లాక్‌బస్టర్ మూవీ పుష్ప: ది రైజ్‌కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. పుష్ప 2 చిత్రీకరణ ప్రస్తుతం హైదరాబాద్‌లోని రామోజీ ఫిల్మ్ సిటీలో జరుగుతోంది. ఇటీవలే మూవీ మేకర్స్ విడుదల చేసిన ఈ సినిమా ఫస్ట్-లుక్ పోస్టర్ అందరిని ఆకట్టుకుంది. తాజాగా ఇప్పుడు, ఈ సినిమా ఫస్ట్ లుక్ పోస్టర్ ఇప్పుడు దేశవ్యాప్తంగా ఆల్ టైమ్ రికార్డ్ క్రియేట్ చేసింది. ఇన్‌స్టాగ్రామ్‌లో 7 మిలియన్ లైక్‌లను సాధించిన తొలి భారతీయ సినిమా పోస్టర్‌గా నిలిచింది.
ఈ సినిమాలో అల్లు అర్జున్‌కి జోడీగా రష్మిక మందన్న నటిస్తుండగా, ఫహద్ ఫాసిల్ భన్వర్ సింగ్ షెకావత్ అనే పోలీసాఫీసర్ పాత్రను పోషిస్తున్నాడు. ఈ చిత్రంలో అనసూయ భరద్వాజ్, సునీల్, జగదీష్ తదితరులు ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది.
|
|