నేడు కొత్త షెడ్యూల్ ని ప్రారంభించిన 'కంగువ'
cinema | Suryaa Desk | Published : Wed, Aug 16, 2023, 08:45 PM
కోలీవుడ్ స్టార్ హీరో సూర్య తన తదుపరి సినిమాని దర్శకుడు సిరుత్తై శివతో అధికారకంగా ప్రకటించిన సంగతి అందరికి తెలిసిందే. ఈ పీరియాడికల్ యాక్షన్ డ్రామాకు 'కంగువ' అనే టైటిల్‌ని మూవీ మేకర్స్ లాక్ చేసారు. తాజా అప్‌డేట్‌ ప్రకారం, కంగువ కొత్త షెడ్యూల్ ఈరోజు ఉదయం రాజమండ్రిలో ప్రారంభమైంది. 3 వారాల పాటు సాగే ఈ షెడ్యూల్‌లో పలు కీలకమైన యాక్షన్ సీక్వెన్స్‌లను మూవీ మేకర్స్ చిత్రీకరించనున్నారు. ప్రస్తుతం జరుగుతున్న షెడ్యూల్‌లో ఈ సినిమాలో కీలక పాత్ర పోషిస్తున్న స్టార్ క్యారెక్టర్ ఆర్టిస్ట్ జగపతిబాబు కూడా పాల్గొననున్నారు. రాజమండ్రి షెడ్యూల్‌ను పూర్తి చేసిన తర్వాత, కంగువ మూవీ మేకర్స్ మరో మేజర్ షెడ్యూల్ కోసం హైదరాబాద్‌కు వెళ్లనున్నారు.
ఈ సినిమాలో బాలీవుడ్ బ్యూటీ క్వీన్ దిశా పటానీ సూర్య సరసన జోడిగా నటిస్తుంది. ఈ చిత్రం 2024 ప్రారంభంలో ప్రపంచవ్యాప్తంగా థియేటర్లలో విడుదల కానుంది. ఈ మాస్‌ ఎంటర్‌టైనర్‌కి దేవిశ్రీ ప్రసాద్‌ సంగీతం అందించనున్నారు. స్టూడియో గ్రీన్, యువి క్రియేషన్స్ బ్యానర్లపై వంశీకృష్ణ, ప్రమోద్, కెఇ జ్ఞానవేల్రాజా ఈ చిత్రాన్ని నిర్మిస్తున్నారు.
|
|