'చంద్రముఖి 2' పై లేటెస్ట్ అప్డేట్ ని వెల్లడించిన కీరవాణి
cinema | Suryaa Desk | Published : Thu, Aug 17, 2023, 09:20 PM
పి వాసు దర్శకత్వంలో స్టార్ కొరియోగ్రాఫర్‌-నటుడు-దర్శకుడు రాఘవ లారెన్స్ 'చంద్రముఖి 2' సినిమా చేస్తున్న సంగతి అందరికి తెలిసిందే. ఈ సినిమా తొలి పాట స్వాగతాంజలిని ఇటీవలే మూవీ మేకర్స్ ఆవిష్కరించారు. తాజాగా ఇప్పుడు ఆస్కార్ విజేత, చిత్ర సంగీత దర్శకుడు ఎంఎం కీరవాణి ఈ ఆల్బమ్ గురించి ఆసక్తికరమైన అప్‌డేట్‌ను పంచుకున్నారు. ఈ సినిమాలో మరో 9 పాటలు ఉంటాయని వెల్లడించిన ఆయన చంద్రముఖి 2కి సంబంధించిన తన వర్క్ ఈరోజుతో పూర్తి అవుతున్నట్లు తెలిపారు. అంతేకాకుండా మూవీ టీమ్‌కి కృతజ్ఞతలు తెలిపాడు.
ఈ చిత్రంలో హిందీ నటి కంగనా రనౌత్ కథానాయికగా నటిస్తోంది. ఈ సినిమాలో వడివేలు, రాధికా శరత్‌కుమార్, లక్ష్మీ మీనన్ మరియు ఇతరులు కూడా ముఖ్యమైన పాత్రల్లో నటిస్తున్నారు. ఈ హారర్-కామెడీ సినిమా సెప్టెంబర్ 15, 2023న తెలుగుతో సహా ప్రధాన భారతీయ భాషల్లో థియేటర్లలోకి రానుంది. ఈ చిత్రానికి ఆస్కార్ విన్నింగ్ కంపోజర్ MM కీరవాణి సంగీత దర్శకుడు, ప్రముఖ తమిళ నిర్మాణ సంస్థ లైకా ప్రొడక్షన్స్ భారీ బడ్జెట్‌తో ఈ ప్రాజెక్ట్‌ని నిర్మిస్తుంది.
|
|