వరుణ్ తేజ్ కోసం రామ్ చరణ్
cinema | Suryaa Desk | Published : Mon, Aug 21, 2023, 03:01 PM
టాలీవుడ్ మెగా ప్రిన్స్ వరుణ్ తేజ్ దర్శకుడు ప్రవీణ్ సత్తారుతో కలిసి ఒక సినిమా చేస్తున్న సంగతి అందరికి తెలిసిన విషయమే. యాక్షన్ డ్రామా ట్రాక్ లో రానున్న ఈ సినిమాకి 'గాందీవధారి అర్జున' అనే టైటిల్ ని మూవీ మేకర్స్ లాక్ చేసారు. వరుణ్ తేజ్ ఇంటర్‌పోల్ ఏజెంట్‌గా ఈ సినిమాలో కనిపించనున్నారు. ఈ స్పై థ్రిల్లర్ సినిమాలో వరుణ్ సరసన జోడిగా సాక్షి వైద్య కనిపించనుంది.
లేటెస్ట్ రిపోర్ట్స్ ప్రకారం, తాజాగా ఇప్పుడు గ్లోబల్ స్టార్ రామ్ చరణ్ ఈ సినిమా ట్రైలర్‌ను ఈరోజు సాయంత్రం 7 గంటలకు ఆవిష్కరించనున్నట్లు వెల్లడించారు. ఈ విషయాన్ని తెలియజేసేందుకు మూవీ మేకర్స్ సోసియల్ మీడియాలో సరికొత్త పోస్టర్ ని విడుదల చేసారు. అంతేకాకుండా ఈరోజు సాయంత్రం హైదరాబాద్‌లోని జేఆర్సీ కన్వెన్షన్ సెంటర్‌లో ఈ సినిమా ప్రీ రిలీజ్ ఈవెంట్ జరగనుంది.
విమలా రామన్, నాజర్ మరియు వినయ్ రాయ్ ఈ చిత్రంలో ముఖ్యమైన పాత్రల్లో నటిస్తున్నారు. శ్రీ వెంకటేశ్వర సినీ చిత్ర పతాకంపై బివిఎస్ఎన్ ప్రసాద్ అండ్ బాపినీడు ఈ సినిమాని నిర్మిస్తున్నారు. మిక్కీ జె మేయర్ సంగీతం అందిస్తున్నారు.
|
|