బెల్లంకొండ శ్రీనివాస్ తో అనుపమ ?
cinema | Suryaa Desk | Published : Thu, Feb 28, 2019, 11:11 AM
అందం, అభినయానికి చక్కటి ఉదాహరణగా అనుపమ పరమేశ్వరన్ను చెబుతారు. చాలామంది మలయాళీ భామల కోవలో ఈ భామ కూడా తెలుగు సినీరంగంలో రాణించాలని ఆశించింది. కెరీర్ మొదట్లో టాలీవుడ్లో ఆమె నటించిన అ..ఆ, ప్రేమమ్, శతమానం భవతి చిత్రాలు హ్యాట్రిక్ విజయాన్ని ఆందించడంతో అవకాశాలు వరుసపెట్టాయి. అయితే ఆ తర్వాత నటించిన ఉన్నది ఒకటే జిందగీ, కృష్ణార్జునయుద్ధం, తేజ్ ఐ లవ్ యూ, హలో గురు ప్రేమకోసమే వంటి సినిమాలు అనుకున్నంతగా ఆడకపోవడం ఆమెకు నిరాశను కలిగించడమే కాదు నూతన అవకాశాలకు గండిపడేలా చేసింది. దాంతో తెలుగులో మళ్లిd బిజీ కావాలన్న సత్ సంకల్పంతో ఆమె ముందుకు సాగుతోంది. మరోవైపు మలయాళ, తమిళ భాషల సినీరంగాల్లో కూడా అవకాశాలు ఆమె దరి చేరడం లేదు. దాంతో ఆమె కన్నడ సినీరంగంలోకి ఎంట్రీ ఇచ్చి…నటసార్వభౌమ చిత్రం చేసింది. ఎలాగోలాగ టాలీవుడ్లో మళ్లిd బిజీ కావాలని అనుకుంటున్న ఆమెకు ఓ మంచి అవకాశమే లభించిందని అంటున్నారు. బెల్లంకొండ శ్రీనివాస్ కథానాయకుడిగా రమేష్వర్మ దర్శకత్వంలో రూపొందే చిత్రంలో ఆమె పేరును పరిశీలిస్తున్నట్లు సమాచారం. దాదాపుగా ఆమెనే ఖరారు చేస్తారన్న మాటలు వినిపిస్తున్నాయి. తమిళంలో రూపొందిన రాక్షసన్ చిత్రం ఆధారంగా తెరకెక్కించే ఈ చిత్రంలో అల్లరి పిల్లలను అదుపులో పెట్టే టీచర్ పాత్రలో అనుపమ కనిపిస్తుందని అంటున్నారు. తమిళంలో ఇదే పాత్రను అమలాపాల్ పోషించింది.
|
|