బాలీవుడ్ లో సందడి..! టాప్ స్టార్స్ అంతా ఓచోట కలిసి..
cinema | Suryaa Desk | Published : Sun, Sep 03, 2023, 02:49 PM
బాలీవుడ్ హీరోలంతా ఓ చోట చేరి సందడి చేశారు. ఇటివల విడుదలై సక్సెస్ సాధించిన గదర్-2 సినిమా సక్సెస్ మీట్ ఇందుకు వేదికగా నిలిచింది.సన్నీ డియోల్, అమీషా పటేల్ నటించిన ఈ సినిమా బాక్సాఫీస్ వద్ద మంచి వసూళ్లు రాబడుతోంది. దీంతో ఈ సంతోషాన్ని గ్రాండ్ గా సెలబ్రేట్ చేసుకున్నారు హీరో సన్ని డియోల్. పార్టీలో ప్రత్యేక ఆకర్షణగా షారుఖ్ ఖాన్, అమీర్ ఖాన్, సల్మాన్ ఖాన్ నిలిచారు. ఇందుకు సంబంధించిన ఫొటోలు, వీడియోలు వైరల్ గా మారాయి.
శనివారం రాత్రి ముంబైలో జరిగిన పార్టీలో గౌరీఖాన్, కాజోల్, జాకీష్రాఫ్, కార్తీక్ ఆర్యన్, సారా ఆలీఖాన్, కృతిసనన్ తోపాటు పలువురు బాలీవుడ్ స్టార్స్ సందడి చేశారు. చాలా ఏళ్ల తర్వాత సన్నీ డియోల్ భారీ హిట్ అందుకున్నారు. అయితే.. దాదాపు ముప్పై ఏళ్ల క్రితం వచ్చిన డర్ సినిమాలో కలిసి నటించిన తర్వాత సన్నీ-షారుఖ్ మధ్య విబేధాలు వచ్చి మళ్లీ కలుసుకోలేదు. ఇన్నేళ్లకు కలుసుకోవడంతో అభిమానులు సంతోషం వ్యక్తం చేస్తున్నారు.
|
|