ఆఫీసియల్ : వాయిదా పడిన 'చంద్రముఖి 2'
cinema | Suryaa Desk | Published : Fri, Sep 08, 2023, 08:25 PM
పి వాసు దర్శకత్వంలో స్టార్ కొరియోగ్రాఫర్‌-నటుడు-దర్శకుడు రాఘవ లారెన్స్ 'చంద్రముఖి 2' సినిమా చేస్తున్న సంగతి అందరికి తెలిసిందే. ఈ హారర్-కామెడీ సినిమా సెప్టెంబర్ 15, 2023న తెలుగుతో సహా ప్రధాన భారతీయ భాషల్లో థియేటర్లలోకి రానున్నట్లు మూవీ మేకర్స్ గతంలో ప్రకటించారు. తాజాగా ఇప్పుడు ఈ సినిమా విడుదల సెప్టెంబర్ 28కి వాయిదా పడిందని ఉదయం నుంచి సోషల్ మీడియాలో వార్తలు వినిపిస్తున్నాయి. అదే విషయాన్ని ప్రొడక్షన్ హౌస్ అధికారికంగా ఈరోజు ధృవీకరించింది. సాంకేతిక సమస్యలే ఈ సినిమా విడుదల వాయిదాకు కారణమని చిత్ర బృందం పేర్కొంది.
ఈ చిత్రంలో హిందీ నటి కంగనా రనౌత్ కథానాయికగా నటిస్తోంది. ఈ సినిమాలో వడివేలు, రాధికా శరత్‌కుమార్, లక్ష్మీ మీనన్ మరియు ఇతరులు కూడా ముఖ్యమైన పాత్రల్లో నటిస్తున్నారు. ఈ చిత్రానికి ఆస్కార్ విన్నింగ్ కంపోజర్ MM కీరవాణి సంగీత దర్శకుడు, ప్రముఖ తమిళ నిర్మాణ సంస్థ లైకా ప్రొడక్షన్స్ భారీ బడ్జెట్‌తో ఈ ప్రాజెక్ట్‌ని నిర్మిస్తుంది.
|
|