అత్యంత వేగంగా 500 కోట్ల వసూళ్లు సాధించిన హిందీ చిత్రంగా 'జవాన్'
cinema | Suryaa Desk | Published : Mon, Sep 11, 2023, 07:22 PM
సౌత్ డైరెక్టర్ అట్లీ దర్శకత్వంలో బాలీవుడ్ కింగ్ ఖాన్ షారుక్ ఖాన్ నటించిన 'జవాన్' సినిమా సెప్టెంబర్ 7, 2023న ప్రపంచవ్యాప్తంగా ప్రేక్షకుల ముందుకు వచ్చింది. ఈ సినిమా విడుదలైన అన్ని చోట్ల పాజిటివ్ టాక్ ని సొంతం చేసుకుంటుంది. లేటెస్ట్ రిపోర్ట్స్ ప్రకారం, ఈ సినిమా గ్లోబల్ బాక్సాఫీస్ వద్ద 500 కోట్లు వసూలు చేసి అత్యంత వేగంగా ఈ ఘనత సాధించిన హిందీ చిత్రంగా నిలిచింది. ఈ వారం కూడా ఈ సినిమా అదే జోరు కొనసాగిస్తే మరిన్ని రికార్డులు బ్రేక్ చేయనున్నట్లు ట్రేడ్ పండిట్స్ అంచనా వేస్తున్నారు.
ఈ మూవీలో షారూఖ్ ఖాన్ సరసన జోడిగా లేడీ సూపర్ స్టార్ నయనతార నటిస్తుంది. ఈ పాన్-ఇండియా ప్రాజెక్ట్‌లో కోలీవుడ్ స్టార్ హీరో విజయ్ సేతుపతి, ప్రియమణి, సన్యా మల్హోత్రా అండ్ సునీల్ గ్రోవర్ కీలక పాత్రలు పోషిస్తున్నారు. రెడ్ చిల్లీస్ ఎంటర్‌టైన్‌మెంట్ ఈ సినిమాని నిర్మిస్తుంది. ఈ చిత్రానికి అనిరుధ్ రవిచందర్ సంగీతం అందించనున్నారు.
|
|