OTT విడుదల తేదీని ఖరారు చేసిన 'భోలా శంకర్'
cinema | Suryaa Desk | Published : Mon, Sep 11, 2023, 08:54 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి నటించిన "భోళా శంకర్" సినిమా ఆగస్ట్ 11, 2023న ప్రపంచవ్యాప్తంగా థియేటర్స్ లో విడుదల అయ్యింది. ఈ సినిమా బాక్స్ఆఫీసు వద్ద ప్రేక్షకులని నిరాశపరిచింది. ఈ సినిమా యొక్క డిజిటల్ స్ట్రీమింగ్ రైట్స్ ని నెట్‌ఫ్లిక్స్ సొంతం చేసుకున్న సంగతి అందరికి తెలియసందే. తాజా అప్‌డేట్ ప్రకారం, భోలా శంకర్ సెప్టెంబర్ 15, 2023 నుండి స్ట్రీమింగ్ కోసం అందుబాటులో ఉంటుందని స్ట్రీమింగ్ భాగస్వామి నెట్‌ఫ్లిక్స్ అధికారికంగా వెల్లడించింది. ఈ చిత్రం తెలుగుతో పాటుగా తమిళం, హిందీ, కన్నడ మరియు మలయాళంతో సహా అన్ని భాషలలో అందుబాటులోకి రానుంది.
ఈ యాక్షన్ ఎంటర్‌టైనర్‌లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. ఈ మెగా భారీ యాక్షన్ ఎంటర్‌టైనర్ లో రావు రమేష్, మురళీ శర్మ, తులసి, వెన్నెల కిషోర్, కీర్తి సురేష్, రఘుబాబు, రవిశంకర్, శ్రీముఖి, రష్మీ గౌతమ్, ఉత్తేజ్ తదితరులు కీలక పాత్రలు పోషిస్తున్నారు. ఈ చిత్రం తమిళంలో సూపర్ హిట్ మూవీ వేదాళం యొక్క అధికారిక తెలుగు రీమేక్. ఎకె ఎంటర్‌టైన్‌మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్నారు.
|
|