సైమా అవార్డ్‌ వేడుకల్లో పాల్గొన్న దుబాయ్ బయలుదేసిన ఎన్టీఆర్‌
cinema | Suryaa Desk | Published : Fri, Sep 15, 2023, 03:41 PM
సెప్టెంబర్‌ 15, 16 తేదీల్లో దుబాయ్‌లో జరగనున్న సైమా అవార్డ్‌ వేడుకల్లో పాల్గొనేందుకు జూనియర్‌ ఎన్టీఆర్‌, కుటుంబ సభ్యులతో కలిసి నేడు దుబాయ్ పయనమయ్యారు. దీనికి సంబంధించిన ఫొటోటు, వీడియోలు సోషల్‌ మీడియాలో హల్‌చల్‌ చేస్తున్నాయి. ‘సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌’ (సైమా) వేడుకను ప్రతి సంవత్సరం మాదిరిగానే ఈ సారి ఘనంగా నిర్వహించనున్నారు. ఎన్టీఆర్‌తో పాటు యశ్‌, రిషబ్‌ శెట్టి, హీరోయిన్లు మృణాల్‌ ఠాకూర్‌, శ్రీలీల తదితరులు సైమాలో సందడి చేయనున్నారు. అలాగే ఈ సంవత్సరం సైమా అవార్డుల్లో ‘ఆర్‌ఆర్‌ఆర్‌’ 11 కేటగిరిల్లో నామినేషన్స్‌ దక్కించుకుంది. ‘సీతారామం’ 10 కేటగీరిల్లో నామినేషన్స్‌ దక్కాయి. ‘కాంతార’, ‘కేజీయఫ్‌2’ సినిమాలకు 11 కేటగిరిల్లో నామినేషన్స్‌ దక్కాయి. తెలుగు నుంచి ఉత్తమ నటుడి విభాగంలో ఎన్టీఆర్‌, రామ్‌ చరణ్‌, నిఖిల్‌, సిద్దూ జొన్నలగడ్డ, దుల్కర్‌ సల్మాన్‌, అడివి శేష్‌ పోటీపడుతున్నారు.
|
|