100 కుటుంబాలను ఎంపిక చేసిన విజయ్ దేవరకొండ
cinema | Suryaa Desk | Published : Fri, Sep 15, 2023, 03:41 PM
విజయ్ దేవరకొండ హీరోగా, సమంత హీరోయిన్ గా నటించిన 'ఖుషి' ఘన విజయం అందుకున్న సంగతి తెలిసిందే. సినిమాకు ఘన విజయాన్ని అందించిన అభిమానులతో తన సంతోషాన్ని పంచుకోవాలని ఉందని, ఇందుకు 100 కుటుంబాలను ఎంపికచేసి వారికి లక్ష రూపాయల చొప్పున కోటి రూపాయలు అందిస్తామని విజయ్ దేవరకొండ 'ఖుషి' సినిమా వైజాగ్ విజయోత్సవ సభలో ప్రకటించిన సంగతీ తెలిసిందే. ఐతే చెప్పినట్లే, ఈరోజు 100 మంది లక్కీ కుటుంబాలను ఎంపికచేసి ఆ లిస్టును రిలీజ్ చేసాడు విజయ్. ఈ జాబితాలో రెండు తెలుగు రాష్ట్రాల్లోని వివిధ జిల్లాల నుంచి కుటుంబాలు మాత్రమే కాకుండా కర్ణాటక, తమిళనాడు లోని ప్రాంతాల నుంచి కూడా కొంతమందిని ఎంపిక చేయడం విశేషం. త్వరలోనే వీరికి హైదరాబాద్ లో జరిగే 'ఖుషి' సినిమా గ్రాండ్ ఈవెంట్ లో చెక్స్ పంపిణీ చేయబోతున్నారు. ఇదే విషయం మీద విజయ్ దేవరకొండ ట్వీట్ చేస్తూ, "ఖుషి హ్యాపీనెస్ షేర్ చేసుకునేందుకు ఈ వంద మంది ఫ్యామిలీస్ ను ఎంపిక చేశాం. ఈ లిస్టులో పేరున్న కుటుంబాలు ఎంతో ఆనందిస్తాయని ఆశిస్తున్నా" అంటూ పేర్కొన్నాడు.
|
|