మోటార్‌స్పోర్ట్‌పై తనదైన మార్క్ చూపిన నాగచైతన్య
cinema | Suryaa Desk | Published : Fri, Sep 15, 2023, 03:43 PM
అక్కినేని నాగార్జున కుమారుడు అక్కినేని నాగ చైతన్యకు మోటార్‌స్పోర్ట్‌పై ప్యాషన్‌ ఉందనే సంగతి మనందరికీ తెలిసిందే. దీనితో మోటార్‌స్పోర్ట్‌ రేసింగ్‌ టీమ్‌, హైదరాబాద్‌ బ్లాక్‌బర్డ్స్‌ ఓనర్‌ షిప్‌ని పొందారు. ఇండియన్‌ రేసింగ్‌ లీగ్‌లో తనదైన ముద్ర వేసిన ఈ జట్టు ఫార్ములా 4 ఇండియన్‌ ఛాంపియన్‌షిప్‌ ప్రారంభ సీజన్‌లో పాల్గొనేందుకు సిద్థమైంది. ఈ సందర్భంగా నాగచైతన్య మాట్లాడుతూ.. ‘‘మోటార్‌స్పోర్ట్‌లో భాగం కావాలని ఎప్పుడునుంచో చూస్తున్నాను. హైదరాబాద్‌ బ్లాక్‌బర్డ్స్‌ టీమ్‌లో భాగమైనందుకు చాలా అనందంగా వుంది. ఇండియన్‌ రేసింగ్‌ లీగ్‌ ఇండియన్‌ మోటార్‌స్పోర్ట్‌లో ఔత్సాహికులందరికీ గొప్ప వినోదాన్ని అందిస్తుంది. అలాగే యువ ప్రతిభావంతులకు వేదికగా నిలిచింది. అన్ని వయసుల వారికి మోటార్‌స్పోర్ట్‌ పట్ల అవగాహన పెరుగుతుండటంతో, దానిలో భాగం కావడానికి ఇది గొప్ప సమయం. దీనికి కారణమైన అఖిల్‌రెడ్డికి కృతజ్ఞతలు’’ అని అన్నారు.
|
|