'హాయ్ నాన్నా' ఫస్ట్ సింగల్ అవుట్
cinema | Suryaa Desk | Published : Sat, Sep 16, 2023, 06:05 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని తన 30వ చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ చిత్రానికి 'హాయ్ నాన్నా' అనే టైటిల్‌ను మూవీ మేకర్స్ ఖరారు చేసారు. ఈ సినిమా షూటింగ్ ప్రస్తుతం గోవాలోని లొకేషన్లలో శరవేగంగా జరుగుతోంది. సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది.
తాజాగా మూవీ మేకర్స్ ఈ సినిమా యొక్క మొదటి సింగిల్ ని సమయమా అనే టైటిల్ తో విడుదల చేసారు. హేషమ్ అబ్దుల్ వహాబ్ కంపోజ్ ఛేస్విన ఈ మెలోడీకి అనంత శ్రీరామ్ రాసిన సాహిత్యం అందంగా, అర్థవంతంగా ఉంది. అనురాగ్ కులకర్ణి మరియు సితార కృష్ణకుమార్‌ల ఆహ్లాదకరమైన గాత్రం ఈ పాటను మరో స్థాయికి తీసుకుని వెళ్ళింది అని చెప్పొచ్చు.
ఈ చిత్రంలో శృతి హాసన్, కియారా ఖన్నా కీలక పాత్రలు పోషిస్తున్నారు. ఈ సినిమా డిసెంబర్ 21, 2023న ప్రేక్షకుల ముందుకు రానుంది. ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్‌టైన్‌మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|