అక్టోబర్ 20న విడుదలకి సిద్ధమైన టైగర్ నాగేశ్వరరావు
cinema | Suryaa Desk | Published : Fri, Sep 22, 2023, 02:03 PM
మాస్ మహారాజా రవితేజ నటిస్తున్న పాన్ ఇండియా చిత్రం ‘టైగర్ నాగేశ్వరరావు’ టీజర్ విడుదల చేయగా, ట్రైలర్ అతిపెద్ద గజదొంగ వరల్డ్‌కి తీసుకెళ్లింది. ఫస్ట్ సింగిల్ ‘ఏక్ దమ్’ రొమాంటిక్ సైడ్ చూపించింది. ఇప్పుడు విడుదలైన సెకెండ్ సింగిల్ ‘వీడు’ టైగర్ పాత్రను వివరిస్తోంది.అలాగే ఈ పాటలో విజువల్స్ టాప్ క్లాస్‌గా ఉన్నాయి. ఫైర్ ఎఫెక్ట్స్, రావిష్ మేకింగ్, గ్రే టోన్ ఇంటెన్స్‌ని రెట్టింపు చేశాయి. లిరికల్ వీడియోను బట్టి చూస్తే, రవితేజ కనికరం లేని గజదొంగగా నటించారని, ఎవరైనా తన దారికి అడ్డువస్తే వదిలిపెట్టరని స్పష్టమవుతోంది. దర్శకుడు వంశీ మ్యాసియస్ట్ అవతార్‌‌లో పాత్రను ప్రెజెంట్ చేశాడు. రవితేజను ఇలాంటి ఫెరోషియస్ పాత్రలో చూడటం అభిమానులకు పండగే అని చెప్పాలి. దసరా కానుకగా అక్టోబర్ 20న ఈ చిత్రాన్ని విడుదల చేయబోతున్నారు. ఈ క్రేజీ పాన్ ఇండియా ప్రాజెక్ట్‌ ను వరుసగా పాన్ ఇండియా బ్లాక్ బస్టర్స్ ‘ది కాశ్మీర్ ఫైల్స్, కార్తికేయ 2’ చిత్రాలను రూపొందించిన నిర్మాత అభిషేక్ అగర్వాల్.. తన అభిషేక్ అగర్వాల్ ఆర్ట్స్ బ్యానర్‌పై గ్రాండ్‌గా నిర్మిస్తున్నారు. ఈ చిత్రంలో నూపూర్ సనన్, గాయత్రి భరద్వాజ్ హీరోయిన్లుగా నటిస్తున్నారు.
|
|