'ఉస్తాద్ భగత్ సింగ్' లో విలన్‌గా ప్రముఖ నటుడు
cinema | Suryaa Desk | Published : Wed, Sep 27, 2023, 08:32 PM
హరీష్ శంకర్ దర్శకత్వంలో టాలీవుడ్ పవర్‌స్టార్ పవన్ కళ్యాణ్ ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'ఉస్తాద్ భగత్ సింగ్' అనే టైటిల్‌ను మేకర్స్ ఖరారు చేసారు. ప్రస్తుతం ఈ సినిమా ప్రీ ఇంటర్వెల్ పార్ట్ షూటింగ్ హైదరాబాద్ లో జరుగుతోంది. తాజాగా ఇప్పుడు, రామ్ చరణ్ రచ్చలో కీలక పాత్ర పోషించిన తమిళ నటుడు మరియు దర్శకుడు పార్థిబన్‌ ఈ సినిమాలో విలన్‌గా కనిపించనున్నట్లు సమాచారం. త్వరలోనే ఈ విషయం గురించి అధికారిక ప్రకటన వెలువడే అవకాశం ఉంది.
ఈ మాస్ ఎంటర్‌టైనర్‌లో శ్రీలీల కథానాయికగా నటిస్తోంది. ఈ కమర్షియల్ ఎంటర్‌టైనర్‌లో అశుతోష్ రానా, గౌతమి, నాగమహేష్, టెంపర్ వంశీ కీలక పాత్రలు పోషిస్తున్నారు. రాక్‌స్టార్‌ దేవిశ్రీ ప్రసాద్‌ ఈ సినిమాకి సంగీతం అందిస్తున్నారు. మైత్రీ మూవీ మేకర్స్ పతాకంపై నవీన్ యెర్నేని, వై రవిశంకర్‌లు భారీ ఎత్తున ఈ చిత్రాన్ని నిర్మిస్తున్నారు.
|
|