ట్రెండింగ్
ఆఫీసియల్ : విడుదల తేదీని లాక్ చేసిన 'ఈగల్'
cinema | Suryaa Desk | Published : Wed, Sep 27, 2023, 08:38 PM
టాలీవుడ్ మాస్ మహారాజా రవితేజ సినిమాటోగ్రాఫర్ నుండి దర్శకుడిగా మారిన కార్తీక్ ఘట్టమ్నేనితో తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ యాక్షన్ థ్రిల్లర్ కి 'ఈగిల్' అనే టైటిల్ ని మూవీ మేకర్స్ లాక్ చేసారు. ఇటీవల విడుదలైన ఈ సినిమా వీడియో గ్లింప్స్‌కి అభిమానులు మరియు ప్రేక్షకుల నుండి అద్భుతమైన స్పందన వచ్చింది.
తాజాగా మూవీ మేకర్స్ ఈ చిత్రాన్ని 13 జనవరి 2024న విడుదల చేయనున్నట్లు అధికారికంగా ధృవీకరించారు. చిత్ర బృందం విడుదల తేదీని తెలియజేస్తూ ఆకర్షణీయమైన పోస్టర్‌ను విడుదల చేశారు. థ్రిల్లర్ ట్రాక్ లో రానున్న ఈ చిత్రంలో అనుపమ పరమేశ్వరన్ కథానాయికగా నటిస్తుంది. ఈ సినిమాలో కావ్య థాపర్, నవదీప్, శ్రీనివాస్ అవసరాల, మధుబాల తదితరులు ముఖ్య పాత్రలు పోషిస్తున్నారు. పీపుల్ మీడియా ఫ్యాక్టరీ ఈ ప్రాజెక్ట్‌ని నిర్మిస్తుంది.
|
|