'టైగర్ నాగేశ్వరరావు' ప్రీ-రిలీజ్ ఈవెంట్ కి ముఖ్య అతిధిగా కిషన్ రెడ్డి
cinema | Suryaa Desk | Published : Sat, Oct 14, 2023, 07:09 PM
వంశీ దర్శకత్వంలో టాలీవుడ్ మాస్ మహారాజా రవితేజ 'టైగర్ నాగేశ్వరరావు' సినిమా ప్రకటించిన సంగతి అందరికి తెలిసిందే. ఈ సినిమా ప్రీ రిలీజ్ ఈవెంట్ అక్టోబర్ 15 సాయంత్రం 6 గంటలకు హైదరాబాద్‌లోని శిల్పకళా వేదికలో జరగనుంది. లేటెస్ట్ అప్‌డేట్ ప్రకారం, గౌరవనీయులైన కేంద్ర మంత్రి శ్రీ కిషన్ రెడ్డి గారు ఈ సినిమా ప్రీ రిలీజ్ ఈవెంట్ కి ముఖ్య అతిధిగా విచ్చేయనున్నారు. ఈ విషయాన్ని మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
ఈ సినిమాలో నుపుర్ సనాన్ అండ్ గాయత్రీ భరద్వాజ్ హీరోయిన్స్ గా నటించనున్నారు. ఈ చిత్రం అక్టోబర్ 20, 2023న గ్రాండ్ రిలీజ్ కానుంది. అనుపమ్ ఖేర్, రేణు దేశాయ్ మరియు జిషు సేన్‌గుప్తా ఈ సినిమాలో కీలక పాత్రలు పోషిస్తున్నారు. ఈ సినిమాని అభిషేక్ అగర్వాల్ ఆర్ట్స్ బ్యానర్‌పై అభిషేక్ అగర్వాల్ నిర్మిస్తున్నారు. జివి ప్రకాష్ కుమార్ ఈ చిత్రానికి సంగీతం అందించారు.
|
|