'సైంధవ్' పవర్ ప్యాక్డ్ టీజర్ అవుట్
cinema | Suryaa Desk | Published : Mon, Oct 16, 2023, 06:46 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. తాజాగా చిత్రనిర్మాతలు ఆన్‌లైన్‌లో సైంధవ్ యొక్క గ్రిప్పింగ్ టీజర్‌ను ఆవిష్కరించారు. ఈ సినిమా టీజర్ యాక్షన్-ప్యాక్డ్ టీజర్ గా కనిపిస్తూ అందరికి ఆకట్టుకుంటుంది. సంతోష్ నారాయణన్ అద్భుతమైన స్కోర్‌ ఈ సినిమా టీజర్ కి ప్లస్ పాయింట్ అని చెప్పొచ్చు. ముఖ్యంగా వెంకీ నటించిన యాక్షన్ సీక్వెన్స్ మాస్ అభిమానులను ఆకట్టుకునేలా ఉన్నాయి.
యాక్షన్ ఎంటర్‌టైనర్‌గా తెరకెక్కుతున్న ఈ సినిమాలో శ్రద్ధా శ్రీనాథ్ కథానాయికగా నటిస్తుంది. ఈ పాన్-ఇండియన్ ప్రాజెక్ట్ లో బేబీ సారా, బాలీవుడ్ నటుడు నవాజుద్దీన్ సిద్ధిక్, రుహాని శర్మ ముఖ్యమైన పాత్రలు పోషిస్తున్నారు. ఈ సినిమా జనవరి 13, 2024న థియేటర్‌లలో విడుదల కానుంది. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|
