హైదరాబాద్‌లో ముగిసిన 'లియో' ఫైనల్ సౌండ్ మిక్స్
cinema | Suryaa Desk | Published : Tue, Oct 17, 2023, 06:22 PM
కోలీవుడ్ స్టార్ డైరెక్టర్ లోకేష్ కానగరాజ్ తన తదుపరి సినిమాని తలపతి విజయ్ తో చేస్తున్న సంగతి తెలిసిందే. ఈ చిత్రానికి 'లియో' అనే టైటిల్ ని మూవీ మేకర్స్ లాక్ చేసారు. ఈ పాన్-ఇండియా గ్యాంగ్‌స్టర్ డ్రామాపై హైప్ మరియు అంచనాలు భారీగా ఉన్నాయి. ఈ చిత్రం మొత్తం పోస్ట్ ప్రొడక్షన్ ఫార్మాలిటీస్‌ను పూర్తి చేసుకుంది. టాలీవుడ్ ప్రముఖ నిర్మాణ సంస్థల్లో ఒకటైన అన్నపూర్ణ స్టూడియోస్ ANR సౌండ్ అండ్ విజన్ స్టూడియోలో ఏస్ సౌండ్ ఇంజనీర్ కన్నన్ గణపత్ ఆధ్వర్యంలో లియో ఫైనల్ సౌండ్ మిక్సింగ్ పూర్తయిందని వెల్లడించింది.
విజయ్ సరసన ఈ సినిమాలో త్రిష జోడిగా నటిస్తుంది. ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ కీలక పాత్రలలో కనిపించనున్నారు. లియో అక్టోబర్ 19, 2023న సినిమా థియేటర్స్ లో విడుదల కానుంది. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|
