తమిళనాడులో సెన్సషనల్ రికార్డు ని సృష్టించిన 'లియో'
cinema | Suryaa Desk | Published : Mon, Oct 23, 2023, 07:22 PM
లోకేష్ కానగరాజ్ దర్శకత్వంలో కోలీవుడ్ స్టార్ హీరో తలపతి విజయ్ నటించిన 'లియో' సినిమా అక్టోబర్ 19, 2023న సినిమా థియేటర్స్ లో విడుదల అయ్యింది. ఈ సినిమా విడుదలైన అన్ని చోట్ల పాజిటివ్ టాక్ ని సొంతం చేసుకుంటుంది. కేవలం విడుదలైన 4 రోజుల్లోనే ఈ చిత్రం బాక్సాఫీస్ వద్ద సరికొత్త రికార్డును సాధించింది. లేటెస్ట్ రిపోర్ట్స్ ప్రకారం, ఈ సినిమా తమిళనాడులో 100 కోట్లు వసూలు చేసి అత్యంత వేగంగా ఈ మైలురాయిని సాధించిన చిత్రంగా నిలిచింది.
విజయ్ సరసన ఈ సినిమాలో త్రిష జోడిగా నటిస్తుంది. ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ కీలక పాత్రలలో కనిపించనున్నారు. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|