‘నరకాసుర’ ట్రైలర్‌ విడుదల
cinema | Suryaa Desk | Published : Wed, Oct 25, 2023, 03:59 PM
‘రక్షిత్‌ అట్లూరి రెగ్యులర్‌ సినిమాలు చేయడు. కొత్త తరహా కథల్ని ఎంచుకొంటాడు. అలాంటి ప్రయత్నాల్ని ప్రోత్సహించాలి అన్నారు నాగశౌర్య. రక్షిత్‌ నటించిన ‘నరకాసుర’ ట్రైలర్‌ మంగళవారం హైదరాబాద్‌లో నాగశౌర్య చేతుల మీదుగా విడుదలైంది. సెబాస్టియన్‌ దర్శకత్వం వహించారు. అజ్జా శ్రీనివాస్‌ నిర్మాత. ఈ సందర్భంగా నాగశౌర్య మాట్లాడుతూ..... ‘‘రక్షిత్‌ నా బాల్య స్నేహితుడు. సినిమాల్లోకి వస్తానంటే ‘బాగా డబ్బుంది కదా.. అందుకే వస్తున్నాడు’ అనుకొన్నా. కానీ తను డబ్బు చూసుకొని రాలేదు. సినిమాలపై ప్రేమతో ఈ రంగంలోకి అడుగుపెట్టాడు. దర్శకుడు సెబాస్టియన్‌ గురించి చాలా విన్నా. ప్రతికూల పరిస్థితిల్లో ఈ సినిమాని పూర్తి చేశారన్నారు. ‘‘ఈ సినిమాలో అద్భుతమైన కథ, విజువల్స్‌, ఎంటర్‌టైన్‌మెంట్‌తో పాటు మంచి కథ కూడా ఉంది. సినిమాపై నమ్మకంతో ఈ మాట చెబుతున్నా. కాదని సినిమా చూసిన ప్రేక్షకులకు అనిపిస్తే టికెట్‌ డబ్బులతో పాటు పాప్‌ కార్న్‌కి అయిన ఖర్చు కూడా వెనక్కి ఇచ్చేస్తామని రక్షిత్‌ తెలిపారు. ప్రతి ఫ్రేమ్‌ కొత్తగా ఉండాలని ఈ సినిమా తీశాం. ఫస్టాఫ్‌ బాగా నవ్విస్తుందన్నారు దర్శకుడు.
|
|
