‘దయా’ లో అయన నటనకి కితాబు
cinema | Suryaa Desk | Published : Fri, Nov 03, 2023, 03:47 PM
తన విలక్షణ నటనతో తనకంటూ ఓ ప్రత్యేక గుర్తింపును పొందారు జేడీ చక్రవర్తి. కొంత గ్యాప్ తర్వాత ఆయన మళ్లీ నటుడిగా ఫుల్ బిజీగా మారుతున్నారు. సిల్వర్ స్క్రీన్, ఓటీటీ ఇలా అన్ని రకాల మాధ్యమాల్లో కొత్త కంటెంట్‌ను ఎంచుకుంటున్నారు. కొత్త కథలు, భిన్న పాత్రలు ఆయన వద్దకే వస్తున్నాయి. అలా జేడీ చక్రవర్తి ఈ మధ్య ‘దయా’ అనే వెబ్ సిరీస్‌లో నటించారు. అందులో తన నటనతో అందరినీ ఆకట్టుకున్నారు. అందులోని నటనకు గానూ తాజాగా ఆయన ఉత్తమ నటుడి అవార్డ్‌ను అందుకున్నారు. ఓటీటీ ప్లే అనే సంస్థ దేశ వ్యాప్తంగా వచ్చిన ఓటీటీ కంటెంట్‌లో ది బెస్ట్ ఎంచుకుని.. అవార్డులతో సత్కరించింది. ఓటీటీలో రిలీజ్ అయిన వెబ్ సిరీస్‌లకు కూడా ఈ అవార్డలలో స్థానం దక్కింది. ఈ అవార్డుల్లో భాగంగా ‘దయా’ వెబ్ సిరీస్‌కు రెండు అవార్డులు వచ్చాయి. బెస్ట్ డైరెక్టర్, బెస్ట్ యాక్టర్ కేటగిరీలో ‘దయా’కు అవార్డులు వచ్చాయి. దర్శకుడు పవన్ సాధినేని, హీరో జేడీ చక్రవర్తిలకు ఈ అవార్డులు వచ్చాయి.
|
|
