ట్రెండింగ్
పవర్‌ఫుల్‌ డైలాగ్‌ తో 'ఈగల్‌’ టీజర్‌
cinema | Suryaa Desk | Published : Mon, Nov 06, 2023, 02:07 PM
మాస్‌ మహారాజా రవితేజ ఆయన హీరోగా నటిస్తున్న చిత్రం 'ఈగల్‌’. కార్తిక్‌ ఘట్టమనేని దర్శకుడు. అనుపమ పరమేశ్వరన్ కథానాయిక. సోమవారం ఈ చిత్రం టీజర్‌ను విడుదల చేశారు. యాక్టన్ కథాంశంతో తెరకెక్కుతున్న ఈ చిత్రంలో రవితేజ కొత్త గెటప్‌లో కనిపించనున్నారు. తాజాగా విడుదల చేసిన టీజర్‌లో....... 'అడవిలో ఉంటాడు.. కనిపించడు.. కానీ వ్యాపించి ఉంటాడు..వెలుతురు వెళ్లే ప్రతి చోటుకి వాడి బుల్లెట్‌ వెళ్తుంది..ఇది విధ్వంసం మాత్రమే తర్వాత చూడబోయేది విశ్వరూపం’ అంటూ సాగే పవర్‌ఫుల్‌ డైలాగ్‌లు ఆకట్టుకుంటున్నాయి. పంచె కట్టు, బాగా పెరిగిన జుట్టుతో మాస్‌ లుక్‌లో కనిపించారు రవితేజ. పీపుల్‌ మీడియా ఫ్యాక్టరీ నిర్మిస్తున్న ఈ చిత్రంలో నవదీప్‌, శ్రీనివాస్‌ అవసరాల, మధుబాల, కావ్య థాపర్‌ కీలక పాత్రలు పోషిస్తున్నారు. వచ్చే ఏడాది సంక్రాంతికి కానుకగా జనవరి 13న ఈ చిత్రం విడుదల కానుంది.
|
|
