‘శాంతల’ చిత్రాన్ని పొగిడిన వెంకయ్య నాయుడు
cinema | Suryaa Desk | Published : Mon, Nov 13, 2023, 02:40 PM
ఇండో అమెరికన్ ఆర్ట్స్ పతాకంపై కె ఎస్ రామారావు సమర్పణలో.. అశ్లేష ఠాకూర్ ప్రధాన పాత్రలో నీహల్ హీరోగా త్రివిక్రమ్ శేషు దర్శకత్వంలో.. డాక్టర్ ఇర్రింకి సురేష్ నిర్మించిన పీరియడ్ చిత్రం ‘శాంతల’ . ఈ చిత్రం నవంబర్ 24న విడుదలకు సిద్ధంగా ఉంది. తాజాగా ఈ చిత్రాన్ని భారత మాజీ ఉపరాష్ట్రపతి వెంకయ్య నాయుడు వీక్షించి సినిమా అద్భుతంగా ఉందని, కచ్చితంగా నేషనల్ అవార్డు వస్తుందని కొనియాడారు. ఈ సందర్భంగా భారత మాజీ ఉపరాష్ట్రపతి వెంకయ్య నాయుడు మాట్లాడుతూ.. శాంతల చలనచిత్ర ప్రివ్యూని శుక్రవారం వీక్షించాను. అద్భుతమైన కళాత్మక చిత్రం ఇది. నాట్య కళ, మహిళా సాధికారికత ఇతివృత్తంగా.. చారిత్రక నేపథ్యంలో నిర్మించిన చిత్రమిది. సినిమా చూస్తున్నప్పుడు నాకు కన్నీళ్లు ఆగలేదు. భావోద్వేగాలను నియంత్రించుకోలేకపోయాను. కొత్త నటీనటులైనప్పటికీ అద్భుతంగా నటించారు. కుటుంబ సమేతంగా చూడదగిన చిత్రం. ఈ చిత్రం జాతీయ అవార్డులు సాధించగలదని ఆశిస్తున్నాను. ఇంత మంచి సినిమాని అందించినందుకు దర్శకుడు శేషును అభినందిస్తున్నాను అని అన్నారు.
|
|