‘భైరా దేవీ’ నుంచి స్పెషల్ పోస్టర్ విడుదల
cinema | Suryaa Desk | Published : Mon, Nov 13, 2023, 02:44 PM
కర్ణాటక మాజీ ముఖ్యమంత్రి కుమారస్వామి భార్య, కన్నడ ప్రముఖ నటి రాధికా కుమారస్వామి నటిస్తోన్న తాజా చిత్రం ‘భైరా దేవీ’. ఇందులో ఆమె అఘోరగా కనిపించబోతున్నారు. రాధిక బర్త్‌డే సందర్భంగా ‘భైరా దేవీ’ నుంచి ఓ స్పెషల్ పోస్టర్‌ను మేకర్స్ విడుదల చేశారు. ఈ పోస్టర్ ప్రస్తుతం వైరల్ అవుతోంది. అందుకు కారణం ఈ పోస్టర్‌లో రాధిక ఓ అఘోరగా కనిపిస్తుండటమే. ఈ పోస్టర్‌లో రాధిక త్రిశూలం చేత పట్టుకుని కనిపించారు. బ్యాక్‌గ్రౌండ్‌లో అఘోరాలు కూడా కనిపిస్తున్నారు. పోలీస్ పాత్రలో రమేష్ అరవింద్ కనిపిస్తున్నారు. లేడీ అఘోర పాత్రను మెయిన్ లీడ్‌గా పెట్టి సినిమా తీస్తుండటం ఇదే మొదటిసారి కావడంతో అందరిలోనూ ఈ సినిమాపై ఆసక్తి క్రియేట్ అవుతోంది. ‘భైరా దేవీ’ సినిమాలో నటించడమే కాకుండా నిర్మాతగానూ రాధిక కుమారస్వామి వ్యవహరించారు. శ్రీజై ఈ చిత్రానికి దర్శకత్వం వహించడమే కాకుండా కథ, స్క్రీన్‌ప్లే, మాటలను అందిస్తున్నారు.
|
|