డిసెంబ‌ర్ 8న విడుదల కానున్న ‘జోరమ్’
cinema | Suryaa Desk | Published : Mon, Nov 13, 2023, 02:48 PM
సినీ అభిమానుల‌ను అల‌రించేందుకు మరో స‌ర్వైవ‌ల్‌, హై టెన్ష‌న్‌ థ్రిల్లర్ సినిమా సిద్ధ‌మ‌యింది. మూడు సార్లు జాతీయ ఆవార్డులు పొందిన విల‌క్ష‌ణ న‌టుడు మ‌నోజ్‌బాజ్‌పాయ్ ప్ర‌ధాన పాత్ర‌దారుడిగా రూపొందించిన చిత్రం ‘జోరమ్’. దెవాన్సిస్ మ‌కీజా ద‌ర్వ‌క‌త్వం వ‌హించ‌గా జీ స్టూడియో నిర్మించింది.ఇప్పటికే అంత‌ర్జాతీయ వేదిక‌ల‌పై పలు ఆవార్డులు సైతం గెలుచుకున్న ఈ చిత్రం డిసెంబ‌ర్ 8న థియేట‌ర్ల‌లో విడుదల కానుంది. కాగా మ‌కీజా, మ‌నోజ్ కాంబినేష‌న్‌లో ఇది మూడో చిత్రం కావ‌డం గ‌మ‌నార్హం. నిస్సాహ‌యిడైన ఓ సామాన్య మ‌నిషి చిన్న పాప‌తో త‌న‌ను ఎలాగైనా చంపాల‌ని చూస్తున్న పాత, కొత్త విరోధుల‌ను ఎదుర్కొంటూ పోరాటం ఎలా చేశాడ‌నే ఇతివృత్తంగా ఈ సినిమా రూపొందింది. అయితే నేను ఎంతో ఇష్ట‌ప‌డి, క‌ష్ట‌ప‌డి ఈ చిత్రంలో న‌టించాన‌ని నాకు ఈ సినిమా చాలా చాలా ప్ర‌త్యేక‌మంటూ మ‌నోజ్ చాలా వేదిక‌ల‌పై చెబుతూ వ‌స్తుండ‌డంతో ఈ సినిమాపై సినీ అభిమానుల‌కు ప్రత్యేక అభిప్రాయం ఏర్ప‌డింది.
|
|