రష్మిక మార్ఫింగ్‌ వీడియోపై స్పందించిన జరా పటేల్‌
cinema | Suryaa Desk | Published : Mon, Nov 13, 2023, 02:45 PM
రష్మిక మందన్నా మార్ఫింగ్‌ వీడియోపై ఒరిజినల్‌ వీడియోలో ఉన్న జరా పటేల్‌ వీడియోపై స్పందించారు. జరిగిన దానికి చింతిస్తునట్లు చెప్పారు. ఈ మేరకు ఇన్‌స్టాగ్రామ్‌ వేదికగా ఆమె ఓ పోస్ట్‌ చేశారు. జరా పటేల్‌, రష్మిక ఇష్యూ గురించి ఏమన్నారంటే.. ‘‘డీప్‌ ఫేక్‌ వీడియో టెక్నాలజీతో నా శరీరానికి ప్రముఖ నటి ముఖాన్ని జోడించగా వైరల్‌ అయిన వీడియో నా దృష్టికి వచ్చింది. ఈ విషయంలో నేను చాలా చింతిస్తున్నా. ఇందులో నా ప్రమేయం ఏ మాత్రమూ లేదు. ఈ పరిస్థితి చూస్తుంటే మహిళలు, చిన్నారుల భవిష్యత్‌ ఏమవుతుందోనని ఆందోళనగా ఉంది. సోషల్‌ మీడియా వేదికగా ఏది పంచుకోవాలన్నా భయంగా ఉంది. దయచేసి ఇలాంటి వాటిని ఎంకరేజ్‌ చేయవద్దు. సోషల్‌ మీడియాలో వచ్చే ప్రతి దాని విషయంలో నిజ నిర్థారణ ఎంతో అవసరం. మనం ఇంటర్‌నెట్‌లో చూసేది ఏదీ నిజం కాదు అని ఇన్‌స్టాగ్రామ్‌ స్టోరీలో జరా పటేల్‌ పోస్ట్‌ చేశారు. ప్రస్తుతం ఆమె చేసిన పోస్ట్‌ కూడా వైరల్‌ అవుతోంది.
|
|