సాలార్ : ఆంధ్రప్రదేశ్ సినిమా డిస్ట్రిబ్యూటర్స్ లిస్ట్
cinema | Suryaa Desk | Published : Sat, Nov 18, 2023, 07:38 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. తాజాగా మూవీ మేకర్స్ ఆంధ్రప్రదేశ్‌లో ఈ సినిమాని డిస్ట్రిబ్యూషన్ చేసే వారి లిస్ట్ ని విడుదల చేసారు. ఉత్తరాంధ్ర ప్రాంతంలోని శ్రీ సిరి సాయి సినిమాస్, తూర్పుగోదావరిలో లక్ష్మీ నరసింహ శ్రీ మణికంఠ ఫిలిమ్స్, పశ్చిమ గోదావరిలో గీతా ఫిల్మ్ డిస్ట్రిబ్యూటర్, కృష్ణా, గుంటూరు రీజియన్లలో కెఎస్ఎన్ టెలి ఫిలిమ్స్, నెల్లూరులోని శ్రీ వెంగబాంబ సినిమాస్, సీడెడ్‌లోని శిల్పకళా ఎంటర్‌టైన్‌మెంట్స్ ఈ చిత్రాన్ని సమర్పిస్తాయి.
సాలార్ థియేట్రికల్ ట్రైలర్ డిసెంబర్ 1న రాత్రి 7:19 గంటలకు విడుదల కానుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|