'యానిమల్' మూవీని అంగీకరించేలా చేసిన విషయాన్ని వెల్లడించిన రణబీర్ కపూర్
cinema | Suryaa Desk | Published : Wed, Nov 22, 2023, 05:24 PM
డైరెక్టర్ సందీప్ రెడ్డి వంగా బాలీవుడ్ స్టార్ హీరో రణబీర్ కపూర్తో సినిమా చేస్తున్న సంగతి అందరికి తెలిసందే. ఈ సినిమాకి 'యానిమల్' అనే టైటిల్ ని మేకర్స్ లాక్ చేసారు. రణబీర్ కపూర్ ఈ సినిమాలో ఇంటెన్సివ్ క్యారెక్టర్లో నటిస్తున్నాడు. తాజాగా ఇప్పుడు ఈ స్టార్ హీరో ఈ సినిమా ప్రమోషన్లో బిజీగా ఉన్నాడు మరియు అతను ఒక అమెరికన్ మ్యాగజైన్కు ఇచ్చిన ఇంటర్వ్యూలో కొన్ని ఆసక్తికరమైన వివరాలను వెల్లడించాడు.
అర్జున్ రెడ్డి, కబీర్ సింగ్ తనను ఎంతగానో ఆకర్షించాయని రణబీర్ చెప్పాడు. యానిమల్కి ఎందుకు అనుమతి ఇచ్చారని అడిగినప్పుడు, రణబీర్ సినిమా స్క్రిప్ట్ తనను ఆశ్చర్యపరిచిందని పేర్కొన్నాడు. సందీప్ రెడ్డి వంగా గత చిత్రాలు నచ్చినందుకే తాను యానిమల్ చేయలేదని రణబీర్ వెల్లడించాడు. రణబీర్ కపూర్ తనలోని మరొక వైపు ని ప్రదర్శించడానికి యానిమల్ సినిమాని చేసానని చెప్పారు. నటుడిగా యానిమల్ నన్ను సవాలు చేసింది అని నటుడు పేర్కొన్నాడు.
ఈ సినిమాలో కన్నడ బ్యూటీ రష్మిక రణబీర్తో రొమాన్స్ చేయనుంది. యానిమల్ డిసెంబర్ 1, 2023న హిందీ, తెలుగు, తమిళం, మలయాళం, కన్నడ భాషల్లో కూడా విడుదల కానుంది. ఈ చిత్రంలో అనిల్ కపూర్, బాబీ డియోల్ కీలక పాత్రలు పోషిస్తున్నారు. ఈ చిత్రాన్ని భూషణ్ కుమార్, టి-సిరీస్, భద్రకాళి పిక్చర్స్ అండ్ సినీ1 స్టూడియోస్ నిర్మిస్తున్నాయి.
|
|