'హరోమ్ హర' టీజర్‌కి భారీ స్పందన
cinema | Suryaa Desk | Published : Tue, Nov 28, 2023, 04:29 PM
నైట్రో స్టార్ సుధీర్ బాబు తన తదుపరి సినిమాని సెహరి ఫేమ్ జ్ఞానసాగర్ ద్వారక దర్శకత్వంలో చేస్తున్నట్లు ప్రకటించిన సంగతి అందరికి తెలిసిందే. పీరియాడికల్ యాక్షన్ డ్రామాగా రూపొందిన ఈ చిత్రానికి హరోమ్ హర: ది రివోల్ట్ అనే టైటిల్ ని ఖరారు చేసారు. ఈ సినిమాలో సుధీర్ బాబు సరసన జోడిగా మాళవిక శర్మ నటిస్తుంది.
ఈ యాక్షన్ డ్రామా, హరోమ్ హర టీజర్ ని తెలుగు, హిందీ, తమిళం, మలయాళం మరియు కన్నడలో ప్రముఖ స్టార్లు ప్రభాస్, టైగర్ ష్రాఫ్, విజయ్ సేతుపతి, మమ్ముట్టి మరియు సుదీప్ ఆవిష్కరించారు. హరోమ్ హర టీజర్ అందరిని ఆకట్టుకుంటుంది. మరియు టీజర్‌ల లాంచ్ తర్వాత సినిమాపై హైప్ మరియు అంచనాలు రెట్టింపు అయ్యాయి.
తాజాగా నటుడు సుధీర్ బాబు హరోమ్ హర టీజర్‌ను తన X ప్రొఫైల్ లో షేర్ చేస్తున్నప్పుడు, సినిమా విజయంపై పూర్తి విశ్వాసాన్ని వ్యక్తం చేశారు. "బాక్సాఫీస్ కి హరోమ్‌హార నా బలమైన సమాధానం అవుతుంది" అని సుధీర్ బాబు X లో ట్వీట్ చేసారు. నటుడి గత కొన్ని సినిమాలు బాక్స్ఆఫీస్ వద్ద విఫలమయ్యాయి. కానీ హరోమ్ హర టీజర్‌లకు భారీ స్పందన లభిస్తున్నందున ఈ చిత్రం సక్సెస్ అవుతుంది అని వెల్లడించారు.
రవితేజ గిరిజాల ఎడిటింగ్ అందించిన ఈ చిత్రానికి అరవింద్ విశ్వనాథన్ సినిమాటోగ్రాఫర్ గా చేస్తున్నారు. సునీల్, జయ ప్రకాష్, అక్షర, అర్జున్ గౌడ్, లక్కీ లక్ష్మణ్, రవి కాలే తదితరులు ఈ సినిమాలో కీలక పాత్రలు పోషిస్తున్నారు. చైతన్ భరద్వాజ్ ఈ చిత్రానికి సంగీత అందిస్తున్నారు. శ్రీ సుబ్రమణ్యేశ్వర సినిమాస్ ఎల్‌ఎల్‌పి బ్యానర్‌పై సుమంత్ నాయుడు ఈ సినిమాని నిర్మిస్తున్నారు.
|
|